Punimet e Bashkise pezullojne perkohesisht kalimin ne kater rruge ne qender te kryeqytetit

Rregullimi i qendres se Tiranes ka pasojat e veta ne qarkullimin e automjeteve, per te eliminuar nje kaos te mundshem Bashkia e Tiranes, paraprakisht, ka nisur rikonstruksionin e kater rrugeve, te cilat kane dalje ne sheshin "Skenderbej", me qellim perballimin e flukseve te trafikut dhe lehtesimin e levizjes ne nje periudhe transitore, deri ne perfundimin e rrjeteve rrugore kryesore, si: Pjesa Verilindore e "Unazes se Vogel", apo dhe Pjesa Jug - Perendimore e Unazes se Madhe.

Keshtu Bashkia e Tiranes ka filluar procesin e rikonstruksionit te rrugeve "Abdi Toptani", "Bardhok Biba", "Urani Pano", si dhe te rruges pas Pallatit te Kultures. Rikonstruksioni i ketyre rrugeve pritet qe te krijoje nje lehtesi per transportin kryeqytetas, ne kuader te fillimit te zbatimit te projektit te sheshit "Skenderbej".

Projekt ky qe ka ngelur peng i qeverise, e cila ende nuk ka marre vendimin per shpronesimin e nje objekti qe hap arterien e Unazes se Vogel tek godina e "Insigut" dhe qe mundeson devijimin e te gjitha makinave, te cilat sot kalojne detyrimisht ne sheshin "Skenderbej".

Gjate inspektimit te punimeve, Kryebashkiaku Rama perseriti domosdoshmerine e shpronesimit te arteries se Unazes nga ana e Qeverise, gje e cila do te mundesoje fillimin e punimeve ne sheshin "Skenderbej".

"Duke perseritur edhe nje here apelin e qytetareve te Tiranes ndaj Qeverise, qe te hape rruge per shpronesimin e domosdoshem dhe krijimin e kushteve qe te mbyllet Unaza e Vogel, e cila do ta spostoje perfundimisht trafikun nga Qendra dhe do ti jape mundesi Qendres qe te funksionoje per kembesoret, ne sot po prezantojme perpjekjen tone per te hapur nje rruge ndihmese provizore, e cila do te mund te devijoje trafikun, duke lejuar fillimin e punimeve ne sheshin "Skenderbej", tha Rama.

Modeli i ri urban i qytetit te Tiranes, ndertuar mbi bazen e strategjise se Transportit perfshin kthimin e sheshit "Skenderbej" ne nje shesh per kembesore, bicikleta dhe pa mjete private. Pika kryesore ne kete projekt eshte percaktimi dhe zhvillimi i nje identiteti te ri per sheshin "Skenderbej", duke rezervuar te gjithe hapesiren per nevojat e kembesoreve.