PS paraqet te tjera fakte mbi dyshimet e ngritura per marreveshjen midis Albpetrol dhe Stream Oil

Deputeti i Partise Socialiste, Erion Brace, ka risjelle dje ne vemendje dosjen Vokshi, ku ka vijuar hedhjen drite mbi marrjen e koncesioneve nga bashkejetuesi i deputetes demokrate, Arian Tartari.

Nenkryetari i grupit parlamentar Socialist ne daljen e djeshme per mediat riktheu vemendjen, tek 4 kontratat apo marreveshjet e naftes, te nenshkruara mes kompanise Albpetrol dhe kompanise Stream Oil dhe te miratuar nga qeveria e kryeministrit Sali Berisha ne daten 8 gusht te vitit 2007, permes ketij vendimi.

Ai theksoi se qeveria ka miratuar 4 marreveshje hidrokarburesh me kompanine, mes kompanise Albpetrol dhe kompanise Stream Oil, qe te dyja kompani te familjarizuara tashme per gjithe publikun shqiptar.

Sipas tij, keto 4 marreveshje vene ne dispozicion te kompanise Stream Oil 4 nga 6 vendburimet e naftes dhe te gazit qe disponon sot Shqiperia, nen administrimin e qeverise se radhes dhe e radhes ne vitin 2007 eshte qeveria e Sali Berishes.

Ne kohen kur keto marreveshje, pra ne korrik-gusht te vitit 2007 jane nenshkruar mes kompanise Albpetrol dhe kompanise Stream Oil, zonja Albana Vokshi, sot ne statusin e deputetes, ka qene anetare e Keshillit mbikeqyres se kompanise Albpetrol, autoritet qe ka pasur vendimmarrjen e plote per dhenien e ketyre 4 kontratave apo 4 marreveshjeve hidrokarbure tek kompania Stream Oil, denoncoi Erion Brace.

Lidhur me kete ceshtje, ai paraqiti dy dokumente me firme te tyre, pra me firme te zonjes ne fjale, qe deshmojne pikerisht kete fakt, qe zonja ne fjale ka qene anetare e Keshillit mbikeqyres, i cili ka marre vendimin per te kaluar 4 nga 6 vendburimet kryesore te naftes dhe te gazit ne vend tek kompania Stream Oil.

Ne nje tjeter dokument, deputeti socialist tha se fakti qe konfirmon qenien e zonjes anetare e Keshillit mbikeqyres te kompanise Albpetrol sha, e tregon deklarata e pasurise e Albana Vokshit per vitin 2007 dhe po me firme te saj ne faqen 3 te kesaj deklarate shenohen te ardhurat si anetare e Keshillit mbikeqyres te Albpetrol sha 277.145 leke te reja.

Tartari, pronari i vetem

Stream Oil, sipas te gjitha dokumenteve zyrtare te depozituara ne agjencite shteterore dhe ne gjykatat e ketij vendi, rezulton nje kompani 100perqind ne pronesi te shtetasit Arian Tartari.

Ka nje vendim te Gjykates se Tiranes 38.875, date 18.7.2007, pra ekzaktesisht 1 muaj para se te perfitonte kontratat koncesionare, qe verteton se eshte themeluar kompania Stream Oil & gaz, nen pronesine 100perqind dhe ortak te vetem shtetasin Arjan Tartari dhe me nje kapital fillestar prej 100 mije lekesh, deklaroi Brace.