Bankat tregtare aplikojne tarifa sherbimi duke mos u bazuar mbi nje studim te sakte per koston e sherbimit

Guvernatori Fullani ftoi bankat qe te percaktojne me detaje koston e sherbimit ndaj qytetareve

TIRANE- Pamjaftueshmeria e informacionit ndaj qytetareve per sa i perket tarifave te sherbimeve bankare ben qe shpesh here keta te fundit te gjenden te papergatitur perballe ketij fakti. Krahas kesaj, sipas te dhenave nga Banka e Shqiperise, sistemi bankar ne vend nuk operon mbi bazen e nje studimi per sa i perket kostos se sherbimit ndaj qytetareve.

Kjo ka qene kryefjala e diskutimit te djeshem te Guvernatorit te Bankes se Shqiperise Ardian Fullani me perfaqesues te sistemit banka ne vend. Gjate fjales se tij, Fullani vleresoi zhvillimet pozitive ne kete sistem por i meshoi faktit se bankat tregtare duhet te tregohen me transparente ndaj klienteve per sa i perket tarifave te sherbimeve.

Ne Banken e Shqiperise, jo rralle vijne ankesa nga qytetare, perdorues te rregullt ose te rastesishem te sherbimeve bankare, ne lidhje me kostot qe aplikojne bankat per keto sherbime. Rezulton qe ne mjaft raste qytetaret vendosen perpara faktit te kryer persa i takon detyrimeve ndaj bankes per sherbimin e perfituar, pa patur me pare nje informacion te mirefillte rreth arsyes dhe madhesise se ketyre detyrimeve, - tha Fullani.

Nderkaq, krahas mungesave ne sistem, kreu i BSH-se permendi edhe nivelin e ulet te kultures financiare te qytetareve cka e ben me te domosdoshme shpjegimin ne menyre te hollesishme te tarifave si dhe arsyet se perse paguhen ato.

Ne lidhje me kete Fullani drejtoi gishtin tek personeli i bankave tregtare qe kane komunikim te drejtperdrejte me qytetaret, puna e te cileve sipas tij eshte siperfaqsore dhe ne shume raste edhe e manget. Perdoruesi i sherbimit nuk gjen shpjegimin e nevojshem dhe bindes nga ana e bankes, per arsyet e lindjes se detyrimit dhe menyren e llogaritjes se tij

Nuk perjashtohen rastet kur problemi qendron ne kulturen financiare te qytetarit, por sidoqofte, duket qe puna e personelit te bankes per te siguruar transparence me klientin eshte siperfaqesore dhe ndonjehere e manget, - vijoi Guvernatori.

Duke vazhduar ne te njejten linje, Fullani theksoi domosdoshmerine e kryerjes se nje analize te detajuar te bankave te nivelit te dyte ne te cilen te dokumentojne koston e sherbimeve ndaj klienteve mbi bazen e se ciles do te percaktohen edhe komisionet e sherbimeve.

Mungon nje standard i formes, i perberjes dhe i emertimit te komisioneve per sherbime te njejta ne banka te ndryshme, duke e bere realisht te veshtire krahasimin nderbankar prej kerkuesve te sherbimeve dhe duke rritur konfuzionin e publikut.

Gjithashtu, transaksionet midis klienteve te bankave te ndryshme, penalizohen prej komisioneve relativisht me te larta, duke penguar ne kete menyre kryerjen e pagesave nepermjet bankave, me pasoja te padeshirueshme per ecurine e cash-it ne ekonomi, - tha Fullani. Apeli i Guvernatorit te Bankes se Shqiperise per rritjen e transparences se bankave tregtare ndaj qytetareve si dhe uljen e tarifave te sherbimi u be gjate konferences se katert te BSH-se me sistemin bankar ne vend. Emirjon Senja