Gjykata Kushtetuese zbardh vendimin e plote, ku gjyqtaret e Gjykates se Larte, Kryetari i Gjykates se Shkalles se Pare dhe Kryetari i Gjykates se Apelit do te vazhdojne te kene ne dispozicion makinat

TIRANE - Ndryshe nga ligji i miratuar ne Kuvend, anetaret e Gjykates Kushtetuese, anetaret e Gjykates se Larte, Kryetari i Gjykates se Shkalles se Pare dhe Kryetari i Gjykates se Apelit do te vazhdojne te kene ne dispozicion sherbimin e transportit me automjete, si rezultat i vendimit te marre nga Gjykata Kushtetuese.

Vendimi ne fjale eshte zbardhur dje dhe argumenton ne menyre te detajuar se pse gjyqtaret nuk duhet te jene pjese e ketij ligji. Pak kohe me pare, Kuvendi miratoi ligjin Per Rregullimin e Sherbimit te Transportit per Funksionaret Publike dhe Nepunesit Civile.

Objekti i ketij ligji ishte pikerisht rregullimi i sherbimit te transportit per nje kategori te caktuar funksionaresh publike dhe nepunesish civile te administrates se larte.
Subjekte te ketij ligji ishin edhe gjyqtaret e Gjykates Kushtetuese, gjyqtaret e Gjykates se Larte, Kryetari i Gjykates se Shkalles se Pare dhe Kryetari i Gjykates se Apelit.

Ligji u ka nderprere ketyre funksionareve te larte sherbimin e transportit me automjete, sherbim qe perballohej nga te ardhurat publike permes buxheteve te institucioneve perkatese dhe iu ka caktuar nje perfitim financiar mujor ne shumen 35.000 leke, per permbushjen e detyrave te tyre funksionale.

Por, Unioni i Gjyqtareve permes nje kerkese depozituar ne Gjykaten Kushtetuese deklaroi se kufizimi ose heqja e perfitimeve aktuale per sherbimin e transportit qe u ofrohej gjyqtareve nga shteti ishte ne papajtueshmeri me Kushtetuten.

Lidhur me pretendimin e Unionit te Gjyqtareve, Gjykata Kushtetuese, nder te tjera ne argumentimin e saj ka theksuar se neni 7 i Kushtetutes, qe parashikon se sistemi i qeverisjes ne Republiken e Shqiperise bazohet ne ndarjen dhe balancimin ndermjet pushteteve ligjvenes, ekzekutiv dhe gjyqesor, nuk i njeh epersi nje pushteti ose organi kushtetues ne raport me pushtetet e tjera te shtetit.

Ndonese renditen njeri pas tjetrit, tre pushtetet e permendur nuk qendrojne ne varesi hierarkike nga njeri-tjetri dhe as nuk dominojne apo i nenshtrohen ndikimeve reciproke ekstra-ligjore. Sipas Gjykates Kushtetuese, funksioni i gjykatave percakton vendin e gjyqesorit ne sistemin e institucioneve te pushtetit shteteror dhe per pasoje edhe statusin e gjyqtareve.

Ne nenin 145 te Kushtetutes deklarohet se gjyqtaret jane te pavarur dhe u nenshtrohen vetem Kushtetutes dhe ligjeve. Ne funksion te rregullimit kushtetues, te parashikuar ne nenin 145, pika 1 qe njeh pavaresine e gjyqtareve dhe nenshtrimin e tyre vetem ndaj Kushtetutes dhe ligjeve, pika 3 e kesaj dispozite, ne te njejten kohe, ka sanksionuar nje tjeter rregullim, qe ndalon nderhyrjen ne veprimtarine e gjykatave dhe te gjyqtareve.

Nje formulim i tille, sipas Gjykates Kushtetuese, eshte i lidhur ne menyre te drejtperdrejte me veprimtarine e dhenies se drejtesise nga gjykatat dhe gjyqtaret. Nga ana tjeter, duke pasur parasysh permbajtjen e neneve 7, 42, 144 dhe 145 te Kushtetutes, Gjykata cmon se edhe roli i administrates gjyqesore nuk mund te ndahet nga funksioni i dhenies se drejtesise dhe perben nje element te rendesishem te pavaresise organizative te pushtetit gjyqesor.

Ne vleresimin e Gjykates, pavaresia e gjyqesorit kuptohet si pavaresi substanciale, qe do te thote ...pavaresi organizative qe perfshin strukturimin e brendshem administrativ te gjykatave; pavaresi financiare qe nenkupton autonomi ne hartimin e buxhetit nga vete institucioni dhe miratimin nga legjislativi, si nje ze i vecante i buxhetit te shtetit, fonde te pershtatshme e te mjaftueshme per te realizuar qellimin dhe detyrat e institucionit e sovranitet ne lidhje me administrimin e fondeve te akorduara.

Me qellim dhenien pergjigje te pretendimeve te paleve ne kete gjykim kushtetues, Gjykata vlereson se duhet interpretuar neni 144 i Kushtetutes, sipas te cilit, Gjykatat kane buxhet te vecante, te cilin e administrojne vete.

Pushteti legjislativ dhe ai ekzekutiv jane te pajisur me buxhetin e tyre, i cili eshte i pershtatshem per realizimin e funksioneve kushtetuese.

Per pasoje, Gjykata Kushtetuese vendosi shfuqizimin si antikushtetues te pikes 1 dhe 2 te nenit 2, nenin 3, nenin 4 dhe nenin 6 te ligjit Per Rregullimin e Sherbimit te Transportit per Funksionaret Publike dhe Nepunesit Civile, si dhe shfuqizimin si antikushtetues te vendimit te Keshillit te Ministrave Per caktimin e numrit te automjeteve dhe te shofereve ne dispozicion te ministrive dhe te institucioneve qendrore, per sa perfshijne ne fushen e zbatimit te tyre gjyqtaret.