Drejtori i Policise se Kukesit Vrasja ne kushte depresioni. Do te merret ne pyetje femija 8-vjecar ne prani te psikologut.

Kukes - Tre femijet e ciftit Muslika te vrare naten e se martes dhe mengjesin e se merkures, midis tyre foshnja 40-diteshe, jane nen kujdesin e gjysherve. Kete fakt e kane bere te ditur zyrtare te Drejtorise se Policise se Qarkut Kukes.

Nderkohe, te njejtet persona bejne te ditur se femijet jane te traumatizuar nga ajo cka ka ndodhur mbremjen e se martes deri mengjesin e se merkures ku ne pranine e tyre eshte vrare nena e tyre, nderkohe qe jane mbajtur nen terror deri ne mengjes nga babai. Femijet jane lejuar te dalin nga dhoma e tmerrit ne oret e para te mengjesit, veprim qe eshte pasuar me vetevrasjen e babait. Ngjarja eshte e kopsitur.

Vrasja e Pranvera Muslikes nga ana e bashkeshortit ka ndodhur ne kushtet e nje depresioni te thelle te autorit te vrasjes. Ai kishte nje muaj qe kishte shfaqur keto shenja.

Por femija 8-vjecar do te merret ne pyetje per formalitet ne pranine e psikologut. Kjo do te ndodhe ne ditet ne vazhdim kur femijet te rehabilitohen ne njefare menyre, ka bere te ditur drejtori i Policise se Qarkut Kukes, Sadri Ramcaj.

Mbremjen e se martes, rreth ores 22 30, ne fshatin Brenoge te komunes Fajza te rrethit te Hasit u vra me arme zjarri pistolete Pranvera Muslika (Shatri), 30 vjece. Autori i vrasjes eshte bashkeshorti i saj, i cili me pas vrau edhe veten.

Ne vendin e ngjarjes shkuan forcat e policise te komisariatit te Hasit, drejtorise se Policise se Kukesit dhe forcat Renea qe negociuan per ore te tera me vrasesin, por ai nuk pranoi te dorezohej derisa u vetevra me nje plumb ne koke rreth 7-8 ore pasi kishte kryer vrasjen e bashkeshortes.

Nderkohe, qe gjate gjithe nates deri ne momentin e vetevrasjes, Gezim Muslika nuk i lejoi femijet te dilnin nga dhoma e gjumit. Nje grup hetimor i sektorit te Krimeve te Renda te Drejtorise se Policise se Qarkut te Kukesit ka hetuar lidhur me shkaqet qe cuan ne krimin e dyfishte, ku nga hetimet paraprake rezulton se vrasja ka ndodhur per shkaqe depresioni te autorit. Gezim Muslika pasditen e se martes kishte tentuar te vriste edhe te vellane duke hapur zjarr ndaj tij me pistolete, por per fat nuk e kishte zene plumbi.