Gjykata Kushtetuese me dy vendime te vecanta, permes nje seance krejt formale, ka shpallur dje mbarimin e mandatit te dy gjyqtareve

TIRANE - Mberrin ne tre numri i gjyqtareve kushtetues qe u ka mbaruar mandati. Pas Kujtim Putos, Gjykata Kushtetuese me dy vendime te vecanta, permes nje seance krejt formale, ka shpallur dje mbarimin e mandatit edhe te gjyqtareve Fehmi Abdiu dhe Sokol Sadushi.

Tashme, brenda muajit maj, kjo gjykate do te duhet te marre te njejtin vendim edhe per tre gjyqtare te tjere, duke cuar ne gjashte numrin e anetareve qe u mbaron mandati.

Seanca

Gjykata Kushtetuese e perbere nga 7 gjyqtare, Vladimir Kristo, Kujtim Puto, Xhezair Zaganjori, Petrit Plloci, Vitore Tusha, Sokol Berberi, Admir Thanza, mori dje ne shqyrtim ne seance gjyqesore me dyer te hapura kerkesen e kryetarit per deklarimin e mbarimit te mandatit te gjyqtarit Fehmi Abdiu.

Pasi shqyrtoi kerkesen, trupi gjykues verejti se Abdiu eshte zgjedhur gjyqtar i Gjykates Kushtetuese per nje mandat 12-vjecar. Nga te dhenat qe disponoi gjykata rezultoi se Abdiu betimin para Presidentit te Republikes e ka bere ne daten 27.04.1998.

Per rrjedhoje, bazuar ne nenin 179/1 te Kushtetutes, kjo date konsiderohet edhe si date e mbarimit te mandatit te tij si gjyqtar i Gjykates Kushtetuese. Per keto arsye, trupi gjykues vendosi te deklaroje mbarimin e mandatit te Fehmi Abdiut.

Po nepermjet te njejtave procedura i njejti trup gjykues mori ne shqyrtim edhe kerkesen tjeter te kryetarit Vladimir Kristo per deklarimin e mbarimit te mandatit te gjyqtarit te Gjykates Kushtetuese, Sokol Sadushi.

Sokol Sadushi, eshte emeruar gjyqtar ne kete gjykate me vendimin nr. 358, date 23.4.1998 te Kuvendit te Shqiperise dhe nga te dhenat rezulton se ai betimin para Presidentit te Republikes e ka bere ne daten 27.04.1998. Per rrjedhoje edhe per te data 27 prill 2010 konsiderohet si data e mbarimit te mandatit te tij si gjyqtar i Gjykates Kushtetuese.

Nepermjet nje votimi formal gjykata, nisur nga te dhenat e mesiperme, vendosi te deklaroje mbarimin e mandatit te Sadushit si gjyqtar i Gjykates Kushtetuese. Ne daten 2 prill, kjo gjykate vendosi te deklaroje mbarimin e mandatit edhe te gjyqtarit tjeter Kujtim Puto.

Largimet

Dy muajt e ardhshem pritet te jene deciziv per Gjykaten Kushtetuese. Ne muajt maj dhe qershor, kete institucion do ta lene edhe tre gjyqtare te tjere, duke e cuar ne gjashte numrin total te anetareve qe u mbaron mandati.

Anetari i katert qe largohet eshte Admir Thanza, i cili eshte zgjedhur si anetar i Gjykates Kushtetuese per nje mandat plotesues te vendit te mbetur vakant pas daljes ne pension gati nje vit me pare te ish-kryetarit Gjergj Sauli, i cili gjithashtu ishte zgjedhur sipas dispozitave kushtetuese per nje mandat 12-vjecar.

Thanza ushtron funksionin e anetarit te kesaj gjykate, qe nga muaji shkurt i vitit 2009-te. Gjykaten do ta lere edhe Xhezair Zaganjori, i cili eshte zgjedhur anetar ne vitin 2003 per nje mandat plotesues, te nje anetari te meparshem te kesaj gjykate i zgjedhur edhe ai sipas dispozitave kushtetuese per nje mandat 12-vjecar.

I vetmi gjyqtar qe i mbaron mandati kushtetues 9-vjecar eshte Petrit Plloci, i cili eshte zgjedhur anetar i kesaj gjykate ne vitin 2001. Por, pervec largimeve, Gjykata Kushtetuese ne muajin qershor duhet te zgjedhe edhe kreun e saj te ri, pasi Vladimir Kristos i mbaron mandati 3-vjecar si kryetar. Por paralelisht me kete proces Presidenti dhe Kuvendi do te duhet te emerojne gjashte gjyqtaret e tjere qe do te plotesojne vendet vakante qe do te krijohen deri atehere.

Per kete qellim, kreu i shtetit ka nisur procedurat e konsultimeve me eksperte te fushes per te percaktuar se pari kriteret mbi te cilat do te mbeshtetet perzgjedhja e emrave te rinj. Nderkohe qe nga dy forcat e medha politike ka nisur te ushtrohet nje presion i madh ndaj tij, me qellim qe emerimi i gjyqtareve te rinj te jete sa me transparent dhe apolitike.