Integrimi ne BE
Procesi i zgjerimit mbyllet me 2012, vendet aspirante duhet te presin edhe 10 vite te tjera

BRUKSEL - Bashkimi Europian do te kushtezoje per vitet ne vazhdim zgjerimin e tij me vendet qe kerkojne te anetaresohen ne te, kur dje ka ardhur nje sinjal i qarte nga kancelarja e Gjermanise, Angela Merkel, e cila i ka kerkuar zyrtareve te Unionit qe ne BE te pranohet vetem Kroacia dhe asnje shtet tjeter. Kroacia do te pranohet dhe asnje tjeter pas saj.

Kete qendrim te kancelares Merkel e ben te ditur gazeta kroate Nacional, sipas se ciles, te gjitha shtetet qe kerkojne te anetaresohen ne Bashkimin Europian, perfshi ketu edhe Shqiperine, jane informuar ne rruge te fshehta diplomatike per kete qendrim te fundit te BE-se dhe konkretisht te kancelares Merkel.

Ne kete aspekt, Kroacia ndodhet me afer integrimit ne Bashkimin Europian sesa vendet e tjera te Ballkanit, si Shqiperia, e cila ende nuk ka zgjidhur krizen politike, duke lene te paplotesuar deri me tani kriterin politik.

Nga ana tjeter, Maqedonia nuk ka zgjidhur ceshtjen e emrit me Greqine, ndersa Serbia akoma nuk ka dorezuar perpara drejtesise nderkombetare kriminelin e luftes ne Bosnje-Hercegovine, Ratko Mlladic.

Ne kete menyre, Komiteti i perfaqesuesve te perhershem te Keshillit ne Bashkimin Europian ka vendosur qe Kroacise ti lejohet hapja e tre kapitujve te mbetur per negociatat e integrimit te saj ne BE, nderkohe qe eshte refuzuar kerkesa per diskutim mbi anetaresimin e Serbise.

Nisur edhe nga ndikimi i kancelares gjermane, Angela Merkel, tek zyrtaret e Bashkimit Europian, Unioni ka vendosur te ndryshoje politiken per zgjerimin, duke mos pranuar vende te tjera per 10 vitet e ardhshme.