Ish- deputeti i LSI-se akuzohet nga Prokuroria e Tiranes, per kontrabandimin e mallrave gjate periudhes 01- 04

Ish- Prokurori i Pergjithshem, Theodhori Sollaku, mbronte biznesmenin ish- deputet i Levizjes Socialiste per Integrim

TIRANE- Prokurori i njesise se Task-Forces se luftes kunder Krimit Ekonomiko Financiar ne Prokurorine e kryeqytetit, i kerkoi gjyqtarit te ceshtjes, Sokol Tona, deklarimin fajtor per ish-deputetin e LSI-se te pandehurin Nikollaq Neranxi per kryerjen e vepres penale te "Kontrabandes me mallra te tjera" dhe ta denoje ate me 10 milione leke te reja gjobe.

Por, i pandehuri Neranxi nese deklarohet fajtor do te perfitoje uljen e 1/3 se denimit perfundimtar, per shkak te gjykimit te ceshtjes se tij ne aplikimit te procedurave te posacme, ate te shqyrtimit te gjykimit te shkurtuar.

Paraditen e djeshme, gjate shqyrtimit te seances se peste gjyqesore ne ngarkim te te pandehurit Neranxi, prokurori Xhengo lexoi konkluzionet, duke renditur 21 rastet e kontrabandes se mallrave te kryer nga punonjesit e kompanise se drejtuar nga ish-deputeti i LSI-se ne Kuvend gjate vitit 2001-04 nga Greqia ne Shqiperi.

Sipas konkluzioneve, punonjesit e ish-deputetit Neranxi kane kaluar mallra pa paguar detyrimet doganore ne 21 raste, duke i shkaktuar shtetit nje dem prej rreth 13 milione e 664 mije leke te reja.

Vete ish-deputeti i LSI-se Neranxi nuk ishte i pranishem ne sallen e gjyqit, duke u perfaqesuar nga avokati i tij mbrojtjes ish-Prokurori i Pergjithshem Theodhori Sollaku qe pas leximit te konkluzioneve i kerkoi gjyqtarit Tona dy jave kohe per te pergatitur pretendimet perfundimtare.

Nderkaq, ne seancat e kaluara vete ish-deputeti i pandehur ka mohuar akuzat, duke i cilesuar ato si "politike". Kete qendrim i pandehuri Neranxi e ka mbajtur edhe gjate fazes hetimore, ne kohen kur Prokuroria e Pergjithshme kishte filluar hetimet duke i kerkuar kryetares se Kuvendit heqjen e imunitetit te deputetit te LSI-se.

Te cilit pas mbarimit te mandatit, dosja iu kthye njesise se task-forces se prokurorise se kryeqytetit, e cila ka pranuar me leter-porosi edhe disa te dhena zyrtare nga autoritetet e drejtesise greke ne lidhje me kontrabandimin e mallrave te ndryshem nga kompania e ish-deputetit Neranxi.

Sipas konkluzioneve te prokurorise, gjate vitit 2001-04 firma qe drejtohej nga babai i ish-deputetit tashme i ndjere i ka shkaktuar shtetit nje dem prej 13 milione e 664 mije leke te reja.

Kjo shume, eshte shkaktuar nga mos pagimi i doganes nga punonjesit e kompanise se ish-deputetit ne pikat e kalimit kufitar me Greqine, ne 21 raste duke kaluar kontrabande mallra si kaseta, albume fotografike, CD apo filma fotografike.

"Ka qene dogana greke e cila kishte filluar nje hetim ndaj shoqerise greke me emrin "Sacofot", e cila kishte deklaruar disa fatura per shitjen e mallit te saj tek nje kompani shqiptare e ish-deputetit Neranxi.

Nga verifikimet e kryera rezultonte se ne 21 raste kompania e ish-deputetit Neranxi kishte futur mallin ne Shqiperi por nuk e kishte zhdoganuar duke e futur ate kontrabande"-tha prokurori Xhengo.

Per te provuar keto akuza, sipas prokurorise, jane sekuestruar nje sere shkresash te derguara ne Drejtorine e Doganave, konkretisht prane zyres se drejtorit te pergjithshem nga i pandehuri Neranxi duke i "kerkuar lehtesira" per biznesin e tij.

Gjithashtu, edhe vete punonjesit e kompanise se tij, te pyetur per keto veprime i kane konfirmuar prokurorise se ne ate kohe firmen e drejtonte faktikisht ish-deputeti tashme Nikollaq Neranxi nderkohe me letra ishte regjistruar ne emer te babait te tij.