Kryetari i PS-se, Edi Rama, pershendeti qendrimin e Kryetarit te Asamblese Parlamentare te OSBE-se

TIRANE - Deklarata e Presidentit te Asamblese Parlamentare te OSBE-se, Joao Soares, eshte vleresuar nga Partia Socialiste, e cila ka shprehur mirekuptimin e saj te plote per qendrimet e shprehura ne te kryesisht per sa i perket hetimit te zgjedhjeve parlamentare.

Ne nje dalje te posacme per mediat, kreu i selise roze, Edi Rama, i sapokthyer nga vizita qe zhvilloi ne Vjene ku u takua me drejtuesit me te larte te OSBE-se, ka pershendetur vleresimin dhe zgjidhjet qe jep Soares ne deklaraten e vet per situaten politike ne Shqiperi. Rama ka theksuar se ajo qe rekomandon drejtuesi i larte i OSBE-se per sa i perket hetimit te zgjedhjeve eshte ajo qe Partia Socialiste kerkon.

"Ne jemi plotesisht e teresisht ne nje mendje me sa shkruhet ne kete deklarate lidhur me ndermarrjen e nje hetimi te plote e teresor te zgjedhjeve, bazuar ne Kushtetuten dhe vendimin perkates te Gjykates Kushtetuese per hetimin parlamentar. Kjo eshte gjithcka kerkojme dhe jam i lumtur te them se me Presidentin Soares rame gjithashtu ne nje mendje qe hetimi parlamentar as mund te kufizohet e as mund te kushtezohet", - u shpreh kryesocialisti Edi Rama ne deklaraten e vet.

Natyrisht, kreu socialist ka riperseritur edhe nje here garancine qe i ofron mazhorances dhe te gjithe partnereve nderkombetar se hetimi i zgjedhjeve kerkohet vetem ne funksion te shpetimit te zgjedhjeve te ardhshme dhe jo per te ndryshuar rezultatin e zgjedhjeve te shkuara. "Demokracia shqiptare nuk eshte ne krize, sepse opozita eshte ne bojkot.

Ne jemi ne bojkot, sepse demokracia eshte ne krize. Dhe fundi i kesaj krize fillon me transparencen e plote, teresore, te pakufizuar e te pakushtezuar te zgjedhjeve. Jo per te ndryshuar rezultatin po per te shembur sistemin e korrupsionit elektoral.

Tanime tere bota kerkon hetim te zgjedhjeve dhe vete OSBE-ja qe ka shkruar raportin e zgjedhjeve sot ka kerkuar publikisht qe zgjedhjet te hetohen plotesisht e teresisht. Uroj me gjithe zemer qe qeveria dhe perkatesisht zoti Berisha ti degjoje kambanat qe bien nga te kater anet, perpara se kriza te behet e padurueshme per popullin", - u shpreh Rama.

Nderkohe, ai ka garantuar se deputetet socialiste do te zene vendet e tyre ne Kuvend, duke i dhene fund bojkotit menjehere sapo mazhoranca te pranoje nje hetim te tille, te plote dhe te hollesishem.

"Padyshim zoti Soares nenvizoi edhe bindjen e tij se opozita duhet te kthehet ne kuvend dhe une i rishpreh edhe publikisht vullnetin tone per ta mbyllur bojkotin me tu mbyllur perpjekja e qeverise per ta kufizuar e kushtezuar komisionin hetimor parlamentar duke nxjerre kutite e votimit nga objekti i hetimit", - theksoi Rama.