Punoi prane mjeshterve operatore Gjika, Anagnosti, Milkani, Lubonja. Ne 80-vjetorin e lindjes se Beqir Vaqarrit

Me ndodh shpesh qe te kaluaren e larget ta sjell ne kohen e tanishme. Por kur ndjen largesine qe te ndan me atdheun, padyshim trishtohesh e malli ngre mbi valet e jetes kohen ne ish-Kinostudion "Shqiperia e Re". Asaj kohe dh atij mjedisi i perkiste Beqir Vaqarri, operatori i talentuar i filmit vizatimor, qe sot ben 80 vjec.
Lindi me 7 mars 1930 ne Tirane nga nje familje me tradite, sic flitej per Vaqarrasit. Pak shkolle beri ne jete, kaloi nje rini boheme dhe me 1959 fati e solli te filloje pune ne Kinostudio. Ishte me te vertete fatlum, sepse aty filloi shkolla e tij e vertete. Mesoi mjeshterine e ndricimit komponent sa i veshtire dhe i rendesishem ne interiere dhe eksteriere. Ekspeditat mes grupeve te xhirimit do ta conin anekend por syri dhe shpirti i Beqirit ishte syri i kameres. Regjisoret zbuluan tek ai cilesi te reja ne disa nga filmat dokumentare dhe artistike ku Beqiri kreu funksionin e asistent/operatorit. Viti 70-te e gjeti ne sektorin e kopertinave te filmit dokumentar dhe artistik prane operatorit Vaso dhe piktoreve Prizreni dhe Oparaku. Filmi vizatimor ishte ne vitet e para te zhvillimit. Beqiri shihte me vemendje kete art te ri dhe imagjinonte te ardhmen e cila nuk vonoi. Asistonte shpesh ne momente xhirimi ne atelier me operatoret e filmit vizatimor Vaso, Diamanti, Valla, Kondakciu, Basha, e me vone Mamaqi e rikthyer nga vitet e peripecive te internimit. I qete dhe intuitiv, ai krijonte besim tek regjisoret Bujar Kapexhiu, e me pas G. Leka, B. Ikonomi, A. Dauti, A. Maku, G. Qendro, Z. Varvarica, S. Xhahysa, GJ. Varfi, do ti jepnin rolin e operatorit ne filmat e tyre te vleresuar me cmime ne festivalet kombetare te filmit.


Aplikimi dhe eksperimentimi i teknikave te ndryshme e gjejne operator ne filmat me kukulla si "Serite e Pushbardhit" te V. Drobonikut dhe filma te tjere. Punuam se bashku me A. Muharremin per filmin "Kerpudha". Diskutimet e skenarit regjisorial ne sheshin e xhirimit fillonin shpesh me mendimet e tij, per menyren e ndricimit dhe xhirimit te trukeve apo panoramiket te cilat i kalkulonte me nje precizion te habitshem, kompozonte mjeshterisht kuadrin dhe kur gjithcka ndjente se i perkrahej, perplaste kembet nga gezimi.
Redaksite me ethet e subjekteve dhe plani vjetor, netet pa gjume mes studiove dhe dekoreve, mijera vizatime te realizuara, ekspeditat me grupet e xhirimit me muaj larg familjeve, tensionet e preokupimet, debora, shiu dhe dielli qe nuk ndodhnin atehere ku duhej, sukseset dhe deshtimet, laboratori dhe uji, dritat dhe erresira e papritur, jeta plot zhurme ne atelieret dhe studiot e montazhit te muzikes dhe zerit, e se fundi, e hena e mbledhjeve apo e vizionimeve ne sallen e madhe te projeksioni, ku shpesh priste gershera e censures.


Sa kujtime i lame ne harrese nderkohe qe fiksuam jete dhe ngjarje te te tjereve. Kjo ishte frymemarrja e cdo krijuesi dhe punonjesi te thjeshte te studios. Pjese e kesaj historie eshte dhe Beqir Vaqarri. Koleget e tij ne emigracion, i urojme sot 80-vjetorin, ditelindje qe perkon me vitin jubilar te 35-vjetorit te filmit vizatimor.