Kompania "Albpetrol" zbardh strategjine e privatizimit. Mund te kthehet ne shoqeri koncensionare.

Pak dite pas deklarates se ministrit te Ekonomise dhe energjitikes, Dritan Prifti, lidhur me privatizimin e mjaft sektoreve shteterore, perfshi ketu edhe kompanine e naftes "Albpetrol", drejtuesit e kesaj te fundit zbardhin strategjine e privatizimit. Gjithcka ka dale ne analizen vjetore tekniko-ekonomiko-financiare te kompanise, analize qe u zhvillua mesditen e se martes.

Ne analize ishte parashikuar ardhja e vete ministrit Prifti, i cili e ka nderruar axhenden ne castet e fundit per arsye shendetesore. Por, ne analize qene te pranishem perfaqesues te larte te METE-s, si dhe te gjithe anetaret e Keshillit Mbikeqyres se "Albpetrol" sh.a.

Njeri prej ketyre te fundit, pasi ka zberthyer ze me ze arritjet dhe mosarritjet per vitin 2009, eshte ndalur pikerisht tek strategjia e privatizimit.

Gjate fjales se tij, anetari i keshillit mbikeqyres tha se duhet pare ideja qe kompania e"Albpetrol" te mos privatizohet, por ajo te kthehet ne shoqeri koncensionare. Edhe pse pas kesaj teze "privatizimi", takimi u zhvillua me dyer te mbyllura, mesohet se kjo ide eshte mbeshtetur nga te gjithe drejtuesit e kompanise.

Burime nga Albpetroli shprehen per faktin se nje forme e privatizimit te "Albpetrolit" mund te jete pikerisht kjo skeme. Qellimi i implementimit te kesaj skeme privatizimi eshte bere per arsye qe nje pjese e mire e industrise se naftes te kontrollohet nga shqiptaret.

Treguesit tekniko-ekonomike te vitit 2009 per kompanine "Albpetrol" jane bere prezent nga drejtori i pergjithshem, Ferdinand Murati, i cili ka meshuar ne faktin se per vitin 2009 "Albpetrol" sh.a. ka prodhuar ne total 260 mije tone nafte.

Per investimet si drejtori Murati edhe shefja e financave, Enkeleida Peshkopia, jane shprehur se jane realizuar ne masen 67.1 perqind. Kjo mase e vogel realizimesh ka ardhur si rrjedhoje e mosshlyerjes se shume faturave.

"Mungesa e likuiditetit shtet me shtet dhe shtet me privat ka bere qe zeri i investimeve te mos realizohet ne mase te madhe", eshte shprehur shefja e finances Peshkopia. Mungesa e likuiditetit qe eshte regjistruar shpeshhere nga "Armo" ka vene ne rrezik edhe pagat e punonjesve. Pagat jane vonuar si shkak i arkes bosh te kompanise, pasi "Armo" nuk eshte treguar e rregullt me shlyerjen e faturave.

Ne teresi treguesit ekonomiko-financiare pohojne faktin se "Albpetrol" e mbyll vitin 2009 me tregues pozitive, dhe deri me sot kjo kompani eshte perpjekur te zbuse efektet sociale ne zone, qe do te thote te mos regjistroje nxjerrje ne mase te punonjesve.

Me nisjen e implementimit te strategjise se privatizimit pritet qe mbi 1000 naftetare te lene vendin e punes. Aktualisht kompania ka 4 369 puse nga te cilet 2 114 puse jane ne pune, 1 539 jane te fondit te ndalur dhe 716 mbahen nen vezhgim. Kompania operon ne 8 rrethe dhe asetet e saj shkojne ne miliona dollare. K.Thanasi