Ekspozita Çfare i Ndodhi Gjeneralit hapet neser ne Galerine e Akademise se Arteve. Kuratoret Zef Paci dhe Tina Finnäs dhe Edi Muka qe ka kontribuar me konceptin tematik, jane frymezuar nga filmi shqiptar Gjeneral Gramafoni 1978 i regjisorit Viktor Gjika. Filmi merr shkas nga hyrja e diskut te pare LP ne Shqiperi, sjelle ne nje qytet te vogel prej nje Italiani misterioz te qyteteruar. Keshtu, pushtimi i vertete nuk eshte ai ushtarak por ai i holle, qe ka nder mend te pershkoje strukturen shoqerore ndersa i rrenjos nje menyre tjeter jetese.


Sot, thuajse 20 vjet mbas renies se komunizmit, menyra perendimore e jeteses ka zaptuar cdo grimce te shoqerise Shqiptare. Ekspozita Çfare i Ndodhi Gjeneralit deshiron te mbushe zbrazetiren e krijuar ne strukturen shoqerore duke reflektuar mbi te kaluaren historike te afert me nje perspektive te qarte permbi gjendjen e sotme.


Marrin pjese Adrian Paci, Albert Brahaj, Alketa Ramaj, Armand Lulaj, Enkelejd Zonja, Era Tula, Heldi Pema, Ledia Kostandini, Leonard Qylafi/ Theodoraq Napoloni, Lina Selander, Stefan Çapaliku (aktore Sara Smaja).


Veprat e tyre paraqesin larmi temash duke prekur histori personale, reflektime te brendshme, simbole te koheve te shkuara dhe dilema te reja te nje tranzicioni te perjetshem. Nga videoja te piktura, fotografia, performanca dhe instalacioni, nje refleksion mbi gjendjen sociale, kulturore dhe politike te sotme ne vend.
Organizuar nga Instituti i Tiranes per Artin Bashkekohor, ekspozita rri e hapur cdo dite prej dates 15 gjer me 24 prill, ora 10.00 - 18.00.