Publikuar me : 03.10.2011 Ne :
Kronike - 91 Lexime. Origjina : Gazeta Shekulli
Ashtu siç ishte paralajmëruar sot do të zhvillohet në Gjykatën e Tiranës seanca mbi çështjen e pronësisë së gjyqtarit të ekzekutuar në mes të qytetit të Vlorës, paraditen e 9 shtatorit , Skerdilajd Konomi.
Në seancën e sotshme familjarët e gjyqtarit do të përballen me palën kundërshtarë në konfliktin e pronësisë të mbi 175 hektarëve tokë, në fshatin turistik të Hamallajt në Durrës. Gjykata e Tiranës, me kërkesë të palës tjetër në konflikt ndali hipotekimin e pronës në emër të familjes Konomi, duke ngrirë vendimin e Gjykatës së Lartë të datës 16 qershor të këtij viti, që i dha të drejtën e pronësisë ish-gjyqtarit Skerdilajd Konomi.
Gjykata e Tiranës pranoi kërkesën padinë, duke dhënë vendimin që me pronën në Hamallaj të mos kryhet asnjë lloj veprimi ligjor, duke ndaluar kështu edhe zbatimin e vendimit të Gjykatës së Lartë.
Konflikti i pronësisë mbi tokën në Durrës është edhe pista kryesore ku janë përqendruar hetimet e prokurorisë së Krimeve të Rënda, në lidhje me vrasjen e gjyqtarit Skerdilajd Konomi.
