POGRADEC - Banoret e gjithe rajonit nga Pogradeci ne Librazhd dhe me gjere prej disa ditesh kane filluar qe te bejne pazarin ne shtetin fqinj te Maqedonise kryesisht ne qytetet Struge dhe Oher.

I sheh ata kur kalojne ne doganat e Qafe -Thanes dhe ne doganen e Tushemishtit. Te pyetur, disa prej tyre thone se ne Shqiperi jane cmendur cmimet. Nevzat Karaj nga Rrajca e Librazhdit u shpreh se cmimet tona me cmimet qe jane ne Maqedoni ndryshojne si nata me diten. Ja, - thote ai, - hesapi eshte i qeruar

1 kg sheqer tek ne eshte 120 leke te reja, kurse ne Maqedoni 37 dinare, e kthyer ne kursin tone vetem 80 leke kg, dmth 40 leke me shtrenjte per cdo kg. Vaji tek ne eshte 170 leke te reja ndersa ne Maqedoni e blen per 60 dinare baras me 130 leke shqiptare.

Po keshtu djathi ne kuti 190 dinare e barabarte me 400 leke, ndersa ne dyqanet tona ushqimore te njejten kuti me djathe e blen 550 leke! Diference te madhe kane mielli, gjalpi, mishi etj.

Nje grua e moshuar nga Pogradeci thote se 1 kg molle ne Maqedoni e blen per 10 dinare. kg baras me 23 leke shqiptare, ndersa tek ne e njejta molle eshte 120 leke/kg apo specat ne Maqedoni 35 dinare, baras me 80 leke shqiptare, ndersa tek ne nje kg speca shkon ne 250 leke te reja/kg, tek ne 1 kg presh shkon 150 leke/kg kurse ne Maqedoni 25 dinare gati 55 leke shqiptare. Nje kg kungulleshka tek ne eshte 240 leke, nderkohe qe ne tregun maqedonas eshte 25 dinare e barabarte me 55 leke.

Po keshtu patatja, domatet, kastraveci kane ndryshime te medha me 50 leke te reja me te lira per cdo kg. Ja, thone ata, pse e bejme pazarin ne shtetin fqinj se tregtaret po na heqin lekuren. Perseritin nje refren krize, ja ku jane fqinjet ne anen tjeter te liqenit, a nuk kane ata krize?

Por, shume banore te ketij rajoni edhe karburantin e marrin ne Maqedoni pasi eshte rreth 40 leke me lire per cdo liter, madje edhe cilesia qendron shume me lart dhe makinat punojne shume me mire se karburanti qe qarkullon tek ne. Kemi leverdi ekonomike, thone bleresit, pasi tek ne cmimet jane te paperballueshme.