TIRANE- 28 vjecari Fatmir Quni, i arrestuar nje jave me pare se bashku me shokun e tij Xhovalin Hasani, te dyshuar per gjobevenie ndaj biznesmenit A.B., pranon krimin, ndersa akuzon shokun e tij se e kishte shtyre per ta kercenuar dhe kerkuar nga ndertuesi shumen prej 70 mije euro ne forme gjobe.
Lajmi konfirmohet nga burimet zyrtare te organit te akuzes, te cilet thane se Quni, pohimet i ka bere para prokurorit te ceshtjes Ardian Nezha, kur ky i fundit i komunikoi akuzen te dyshuarit gjate seances gjyqesore te verifikimit te mases se sigurise ne sallen e gjyqit te Gjykates se Krimeve te Renda.
Sipas burimeve, Quni mohoi se ka qene nje nga dy personat me maskuar qe kryen vjedhjen me arme ne banesen e ndertuesit A.B, me 9 maj te ketij viti ne kryeqytet.
Por ai pranuar se me kerkese te shokut te tij, Xhovalin Hasani qe ne ate kohe ndodhej ne Itali i ka telefonuar ndertuesit A.B, duke i kerkuar te paguante shumen prej 70 mije euro ne forme gjobe. Njihem me Xhovalinin qe ne femijeri pasi jemi te dy me origjine nga Fushe-Arrezi. Ai prej kohesh ndodhet ne Itali dhe kemi vazhduar kontaktet.
Nga fundi i muajt maj me ka telefonuar duke me kerkuar qe te therrisja nje numer telefoni, te cilin ma ka derguar me sms. Xhovalini me tha ta kercenoja dhe ti kerkoja te paguante 70 mije euro. Me ka siguruar se nuk me denonconte pasi kishte prane njeriun e tij ne Itali,- mesohet te kete deklaruar Quni ne gjykate. Me tej 28 vjecaro i arrestuar ka treguar se me cfare numri te kompanise se telefonise se levizeshshme e kishte kishte telefonuar ndertuesin si dhe biseden me te.
E kam telefonuar tri here, ne mos gabohem dhe e kam kercenuar me jeten e tij dhe familjes qe te paguante gjoben prej 70 mije eurosh. Xhovalini me ka thene se kete shume ia kishte borxh atij dhe me kerkoi qe tia merrja-ka pohuar Fatmir Quni.
Nderkohe, i arrestuari kryesor Hasani qe ndodhej ne salle, nuk preferoi te flase, duke ndenjur gjithe kohes se rrefimit te Qunit me koke ulur. Kur gjyqtari i masave i dha fjalen Hasanit, ai nuk pranoi te jape shpjegime ne lidhje me akuzat Do te flas ne nje moment tjeter ne prani te avokatit te zgjedhur nga une ose familja, u shpreh ai.
Prokuroria e Krimeve te Renda ne vazhdim te hetimeve ka zbardhur kercenimet telefonike qe dy te arrestuarit Hasani e Quni i kane bere ndaj biznesmenit A.B. Sipas hetimit, kunata e te demtuarit, i kishte rrefyer dashnorit vendin e fshehjes se parave.
Gjate zbardhjes se tabulateve telefonike ka rezultuar se ne numrin celular qe perdorte ndertuesi A.B. ka pasur 8 thirrje hyrese kercenuese. Tri thirrje nga nje numer shqiptar qe dyshohet se e ka bere i arrestuari Quni dhe pese thirrje tjera nga nje numer italian qe mendohet se eshte perdorur nga i dyshuari Hasani-thuhet nga prokuroria.
Ne te gjitha keto thirrje, kercenuesit dinin sakte shumen qe ndertuesi A.B. kishte ne banesen e tij dhe vendin se ku i mbante. Keto informacione dyshohet se ia jepte bashkeshortja e vellait te ndertuesit A.B. e cila me te ikur ne Itali me pretendimin se do te takonte bashkeshortin e denuar ketu e 4 vite me pare per trafik droge eshte bashkuar me te arrestuarin Hasani.
Ky i fundit, dyshohet se pasi eshte bashkuar me kunaten e ndertuesit ka shtyre dy persona (ku njeri dyshohet se eshte Quni) per te kryer grabitjen e baneses se ndertuesit per te marr shumen prej 70 mije euro qe ai kishte ne banese. Kjo grabitje eshte kryer me 9 maj 2010 ne vilen e ndertuesit qe ndodhet ne rrugen Irfan Tomini ne kryeqytet, ku i kane gjetur dhe grabitur shumen prej 3500 euro dhe 30 mije leke te reja. Gjurmet e gishtave te ketyre grabiteseve po krahasohen me gjurmet e te arrestuarit Quni dhe Hasani, pasi dyshohet se njeri prej tyre ka marr pjese ne kete grabitje.
Me pas, kane filluar telefonatat kercenuese ne adrese te ndertuesit A.B. duke i kerkuar te paguante ne forme gjobe shumen prej 70 mije euro.
ARRESTIMET
Arrestimi i Xhovalin Hasanit dhe Fatmir Qunit, ka ndodhur mengjesin e dates 13 gusht 2010 ne nje qender tregtare qe ndodhet ne autostraden Tirane-Durres, ne momentin qe te arrestuarit prisnin biznesmenin A.B. ti dorezonte shumen prej 70 mije euro te kerkuar ne forme gjobe.
Ndaj te arrestuarve dhe te shpallurve ne kerkim jane ngritur dyshimet per kryerjen e veprave penale te Shtrengimit me ane te kanosjes per dhenie pasurie dhe Vjedhjes me arme ne bashkepunim te parashikuara ne nenet 109/b dhe 140/25 Kodit Penal.
