“Une Ibra”, shume shpejt edhe film

Publikuar me : 09.01.2012 Ne : Sport - 26 Lexime. Origjina : Gazeta Shekulli

Xhek Preçetaj

Libri “Unë Ibra” që tregon jetën e kampionit suedez të Milanit shumë shpejt mundet të bëhet një film. Këtë e ka bërë të ditur vetë autori i këtij libri, gazetari suedez David Lagerkrantz. Libri ka pak javë që ka dalë në botim dhe ka pasur një sukses të madhë nëpër libraritë e Evropës, ku është botuar libri. “Ka një interes shumë të madh për realizimin e një filmi për Ibrahimoviinç. Kjo gjë e ka bërë që edhe vetë Zlatani të jetë i interesuar për të realizur këtë film”, tregon autori David.

Në libër janë të përfshirë fragmente të jetës së futbollistit të mbledhura me shumë kujdes nga vetë gazetari. Fragmente të cilat tregojnë një miqësi të fortë të Ibrahimoviçit me ish-trajnerin e tij Murinjo, me lojtarët Maksuell, Vieira, Henri, Larson dhe Mellberg. Më pas histori në lidhje me familjen e tij. Histori të shkuara, por edhe të së tashmes. Histori të cilat pak kohë më parë ngritën shumë debate në lidhje me çështjen shumë të përfolur të futbollit italian “kalçiopoli”.

Dy janë aktorët që përfliten të luajnë në rolin e Ibrahimoviçit, Hamadi Khemiri dhe Fares Fares. Por ndoshta mundet të jetë edhe vetë Zlatan Ibrahimoviçi i cili mund të luajë rolin e protagonistit kryesor të filmit. Nuk dihet ende se kur mund të fillohen xhirimet e para të filmit, por ndoshta ai duhet të presë edhe pak. Kjo për faktin se edhe vetë futbollisti po mendon të lërë futbollin pas 3-4 vitesh, dhe pse jo me këtë shkak të luajë vetë rolin e tij në film.