Drejtuesit e 100 bashkive dhe komunave socialiste kundershtojne projektligjin e fundit te qeverise per ndryshime ne taksat vendore

Kryetari i shoqates Ndryshimet ne ligji synojne tu hedhe ne kurriz qeverive vendore barren financiare te korrupsionit me kasat fiskale

POGRADEC - Shoqata per Autonomine Vendore kundershton projektligjin e qeverise per rimbursimin e kasave fiskale ndaj bizneseve te vogla permes buxhetit te Bashkise. Kryetari i kesaj shoqate, Artan Shkembi, theksoi dje se projektligji mbi ndryshimet ne ligjin per taksat vendore, i cili po shqyrtohet aktualisht ne Kuvendin e Shqiperise, synon tu hedhe ne kurriz qeverive vendore barren financiare te korrupsionit me kasat fiskale. Shoqata per Autonomine Vendore, ne emer te 100 bashkive te medha dhe komunave qe perfaqeson, denoncon sulmin me te fundit te qeverise Berisha kunder qeverive vendore, nje sulm qe dhunon kushtetuten dhe autonomine vendore ne Shqiperi dhe synon ti coje ne falimentim bashkite dhe komunat e drejtuara nga opozita, deklaroi Shkembi.

Perfaqesuesi i 100 bashkive dhe komunave qe drejtohen nga Partia Socialiste ben te ditur se njohin te drejten e bizneseve qe ti blejne kasat me nje cmim te perballueshem per ta dhe se bashkite jane dakord me kompensimin nga buxheti i shtetit. Sipas Shkembit, nese miratohet ky projektligj, do te rrenoje buxhetet e bashkive dhe komunave, duke ju shkaktuar atyre rreth 90perqind humbje ne te ardhurat e veta. Ai nenvizoi se ne disa bashki humbjet ne buxhetin vendor do te arrijne deri ne 140perqind. Per bashkite socialiste, ky projektligj eshte nje tjeter shprehje e dhunshme e Berishes per te deformuar marredheniet mes biznesit dhe bashkive duke bere korrupsion edhe ne kurriz te biznesit edhe ne dem te bashkive.

Nga njera ane, ai u imponon bizneseve kasa fiskale me cmimet e larta te caktuara nga kompanite qe qeveria qendrore ka licencuar arbitrarisht, dhe, nga ana tjeter, i detyron bashkite dhe komunat te paguajne faturen per keto kasa, duke treguar hapur lidhjen korruptive me biznesin e kasave. Pra, bashkite e komunat do te blejne kasat per biznesin e vogel tek klientet e qeverise Berisha, akuzoi Artan Shkembi. Sipas tij, ky eshte nje rast flagrant ku korrupsioni qe ka mberthyer pushtetin aktual, prek drejtpersedrejti sherbimet qe pushteti vendor u ofron qytetareve. Drejtuesit vendore socialiste e cilesojne kete projektligj si te propozuar per nje pershkallezim te sulmeve te kesaj qeverie ndaj bashkive dhe komunave te opozites ne prag te zgjedhjeve vendore te vitit 2011.

Me tej, shoqata per Autonomi Vendore i beri thirrje kryeministrit Berisha qe te mos e shpreh deshtimin me sulme ndaj autonomise vendore dhe te mos pengoje punen e tyre ne sherbim te qytetareve. Me konkretisht, Shoqata per Autonomi Vendore i kerkon qeverise qendrore qe Te terheqe nga Kuvendi i Shqiperise projekt-ligjin mbi ndryshimet ne ligjin per taksat vendore; Te mundesoje brenda te enjtes nje tryeze ne nivel te larte perfaqesimi mes qeverise qendrore dhe perfaqesuesve te opozites ne pushtetin vendor per te diskutuar buxhetin vendor ne paketen fiskale per vitin 2011, apeloi Artan Shkembi. Nese keto kerkesa nuk plotesohen, Shoqata per Autonomi Vendore paralajmeron pershkallezimin e aksionit te protestes ne mbrojtje te se drejtes dhe detyrimit te tyre per ti sherbyer qytetareve.

Kerkesat
Shoqata per Autonomi Vendore i kerkon qeverise qendrore qe
* Te terheqe nga Kuvendi i Shqiperise projekt-ligjin mbi ndryshimet ne ligjin per taksat vendore
* Te mundesoje brenda te enjtes nje tryeze ne nivel te larte perfaqesimi mes qeverise qendrore dhe perfaqesuesve te opozites ne pushtetin vendor per te diskutuar buxhetin vendor ne paketen fiskale per vitin 2011.