“Virgine”, ndryshon masa e arrestit per Hajri Elezaj

Publikuar me : 29.07.2011 Ne : Kronike - 105 Lexime. Origjina : Gazeta Shekulli

Biznesmeni Hajri Elezaj i përfshirë në skandalin e naftës “Virgine” ka thyer masën e sigurisë. Gjykata e Apelit Tiranë ka pranuar kërkesën e Prokurorisë së Apelit për zëvendësimin e masës së sigurimit ndaj biznesmenit, i cili është akuzuar si përgjegjësi kryesor i skandalit të naftës “Virgine”, nga “Arrest në shtëpi” në masën e sigurimit “Arrest në burg”.

Drejtoria e Policisë së Qarkut Tiranë, në zbatim të urdhrit të Prokurorisë, shkoi në banesën e shtetasit Hajri Elezaj, dhe konfirmon se personi nën hetim nuk gjendet në banesën e tij, si dhe nuk dihet vendodhja.

Prokuroria e Rrethit Gjyqësor Tiranë nisi verifikimet për vendndodhjen e Elezajt, kushtet dhe rrethanat që çuan në zëvendësimin e masës së sigurimit të tij.