Publikuar me : 18.10.2011 Ne :
Kronike - 23 Lexime. Origjina : Gazeta Shekulli
Dy balerinë kanë përfunduar në prangat e policisë së Gjirokastrës, pasi janë kapur një sasi marijuane. Nertil Xhani, 25 vjeç, dhe kolegia e tij, Almenda Hoxha, 22 vjeçe, ishin duke udhëtuar me autobusin e linjës Gjirokastër-Tiranë, në bagazhet e të cilit kishin fshehur 44 pako me marijuanë.
Pas marrjes së informacionit, policia e Gjirokastrës e ka ndaluar autobusin në fshatin Luftinjë, ku pas kontrollit dhe marrjes në pyetje të pasagjerëve, ka rezultuar se lënda narkotike e futur në dy valixhe u përkiste dy balerinëve nga Tirana.
Sipas policisë, ata e kishin blerë drogën në Lazarat për ta shitur në sasi të vogla më pas në Tiranë për konsum të brendshëm në ambientet e shkollave, universiteteve dhe lokaleve të natës.
