Publikuar me : 31.01.2012 Ne :
Politike - 56 Lexime. Origjina : Gazeta Shekulli
Kryebashkiaku Lulzim Basha ka folur për 21 janarin, duke theksuar se është e rëndësishme që procesi të bazohet në ligj. Ish-ministri i Brendshëm në kohën kur ndodhi ngjarja është shprehur në lidhje me procesin e 21 janarit se të gjithë aktorët duhet të ekzekutojnë brenda korniës ligjore përgjegjësitë e tyre.
“Mendoj se është shumë e rëndësishme që procesi të ecë në parametrat e shtetit ligjor dhe në këtë kuptim çdo aktor duhet të udhëhiqet pikërisht nga ligji dhe nga nevoja për të ekzekutuar brenda kornizës ligjore përgjegjësitë që ka”, deklaroi Basha nga Uashingtoni, ku ndodhet për një vizitë.
Duke folur në një takim në Qendrën e Studimeve të Avancuara Ndërkombëtare SAIS, Basha u shpreh se në cilësinë e kryetarit të bashkisë së kryeqytetit do të përpiqet ta mbajë institucionin që drejton larg politikës, duke i përqëndruar të gjitha energjitë etij në përmirësimin e jetës së qytetarëve.
“Mendoj se kemi arritur të nxjerrim bashkinë e Tiranës nga vorbulla e konfliktit politik dhe orientimin e saj 100 perqind tek problemet, sfidat, dëshirat dhe aspiratat e qytetarëve . Bashkia është e hapur për qytetarët jo vetëm me takimet me mua personalisht por edhe përmes kontakteve të drejtpërdrejta me njerëzit. Gjithashtu qytetarët janë të përfshirë në vendimarrje. Asnjë vendimarrje e rëndësishme nuk është bërë pa pjesmarrjen e qytetarëve”, tha Basha.
Bamir Topi / Foto arkiv
Në një intervistë për “Zërin e Amerikës”, presidenti Bamir Topi, u shpreh sot se pasardhësi i tij duhet të jetë konsensual dhe jo nga radhët e maxhorancës. Topi u shpreh për një proces serioz dhe me frymë konsensuale dhe theksoi se një kandidat nga radhët e maxhorancës më së paku do të paragjykohej për ecurinë e këtij institucioni.
“Përpara se ta thonë ndërkombëtarët, e thotë Kushtetuta e Shqipërisë. Ne në një farë mënyrë po...
