21 janari, Berisha le Tiranen per te perkujtuar Kongresin e Lushnjes Protesta nuk ia zbeh vlerat

Publikuar me : 22.01.2012 Ne : Politike - 65 Lexime. Origjina : Gazeta Shekulli

Kryeministri Berisha dhe kryetarja e Parlamentit kanë lënë sot Tiranën, për të udhëtuar drejt Lushnjes, ku do të mbahet një aktivitet në kujtim të Kongresit të Lushnjes.

Ndërsa në kryeqytet opozita përkujton 4 të vrarët e një viti më parë në bulevardin para Kryeministrisë, figurat kryesore të maxhorancës kanë zgjedhur Lushnjen, për të kujtuar 92-vjetorin e Kongresit të mbajtur në këtë qytet.

Mësohet se në nisje të vizitës në Lushnje, Berisha dhe Topalli kanë zhvilluar një vizitë të shkurtër në bashkinë e qytetit, ku janë pritur nga kryebashkiaku Fatos Tushe.

Menjëherë pas vizitës në bashkinë e qytetit, Berisha është shprehur për mediat se protesta që po zhvillohet në Tiranë nuk mund t’i zbehë vlerat e këtij momenti të rëndësishëm në historinë e kombit.

“Kongresi i Lushnjës nuk mund të zbehet nga protesta e 21 janarit. Është një moment i rëndësishëm i historisë, që vjen pas shpalljes së pavarësisë”, tha kryeministri, duke theksuar se çdo qytetar është i lirë të protestojë.

Në orën 11:00, Berisha do të mbajë një fjalim në qendrën “Vaçe Zela”, ku do të zhvillohet një konferencë në përkujtim të kongresit të Lushnjes.