Publikuar me : 09.01.2012 Ne :
Kronike - 79 Lexime. Origjina : Gazeta Shekulli
Gjashtë shtetas kosovarë janë ndaluar në portin e Durrësit nga policia kufitare, pasi kanë tentuar për të udhetuar në menyrë të paligjshme per në Itali, nëpermjet trageteve të linjave Durrës–Bari, me leje qëndrimi italiane dhe sllovene si dhe pasaporta të falsifikuara.
Në pranga kanë rënë 34- vjecari Bashkim Thaci, 26- vjeçari Jetmir Demiraj, Adem Bajraj 28 -vjeç, Ramadan Azemi, 20- vjeç, Kujtim Kodra, 30 -vjeç.
Pas kryerjes së veprimeve të para hetimore, materialet i’u kaluan Prokurorisë së Rrethit Gjyqësor Durrës. Mësohet se dy nga lejet e qëndrimit megjithese ishin në emrin e Thacit dhe të Demirajt dyshohet se ishin të falsifikuara. Bajraj tentoi të kalojë kufirin me nje leje qëndrimi sllovene e cila dyshohet të jetë e falsifikuar në afatin e vlefshmërisë së saj.
Policia deklaroi se Azemi është kapur ne flagrancë nga shërbimet e Policisë Kufitare të Portit të Durresit, duke tentuar te kalojë kufirin në menyrë te paligjshme me nje pasaportë maqedonase në emer të tij, e cila dyshohet të jetë e falsifikuar.
Kujtim Kodra, po ndihmonte për të kaluar kufirin shtetasin kosovar L. Kodra, të cilin e kishte transportuar ne autobuzin me targa 04339AD dhe do ta hipte në traget, duke e shmangur nga kontrolli i Policisë Kufitare.
