Deputeti i PS-se, Arben Ahmetaj, eshte shprehur mosbesues ndaj negociatave te djeshme mes Presidentit te Republikes, Bamir Topi, dhe zv.kryeministrit dhe Ministrit te Puneve te Jashtme, Ilir Meta

TIRANE - Levizjen e fundit politike te mazhorances nepermjet takimit midis zevendeskryeministrit Ilir Meta dhe Presidentit Bamir Topi, opozita e cileson si nje provokim, me qellim qe opozita te leshoje apo toleroje nga kerkesa e saj per hapjen e kutive te votimit.

Kete qendrim e specifikon deputeti i Partise Socialiste, Arben Ahmetaj, ne nje interviste per gazeten Shekulli, i cili eshte futur ne greve urie qe prej shtate ditesh, se bashku me 21 deputetet e tjere dhe 200 protestuesit e majte.

Ai vuri ne dukje se me takimin e Metes dhe Topit, Kryeministri Berisha kerkon qe te fitoje kohe, por, sipas Ahmetajt, kreu i qeverise nuk mund te luaje me me durimin e shqiptareve.

Z. Ahmetaj, duke qene se greva e urise ka hyre ne diten e shtate qe nga fillimi i saj, si paraqitet gjendja juaj shendetesore?

Ne diten e saj te shtate gjendja shendetesore e grevisteve ne pergjithesi eshte e rende dhe sot mund ta quaj pa frike si teper te renduar, sepse pothuajse te gjithe pjesemarresit ne greve kane simptoma serioze, te levizjeve te tensionit dhe ka simptoma te humbjes se fuqise.

Sigurisht, ka simptoma te tjera qe shume prej tyre jane te rrezikshme, shume prej tyre nuk jane te rrezikshme. Por, ne pergjithesi mund te them qe gjendja e grevisteve ne cadra eshte e renduar.

Personalisht mbahem akoma, por edhe une sot pata nje gjendje lodhjeje te theksuar, kuptohet kam pasur disa luhatje te vogla te tensionit, vecanerisht pergjate dy diteve te fundit.

Duke pare kete situate qe eshte krijuar nga greva e urise, mazhoranca ka filluar levizjet e saj, kur zevendeskryeministri dhe njeheresh ministri i Jashtem, Ilir Meta, eshte takuar me kreun e shtetit, Bamir Topi, per krizen politike.

A mendoni se kjo levizje politike e mazhorances kerkon qe te ule serish ne tryezen e bisedimeve kryetaret e forcave politike Rama e Berisha per zgjidhjen e krizes politike?

Se pari, dua te them qe nuk e di nese Meta kur ka shkuar tek Presidenti Topi ka perfaqesuar mazhorancen apo thjesht kryetarin e Levizjes Socialiste per Integrim. Une po e marr si nje levizje te mazhorances.

Por, kjo eshte teper e vonuar. Megjithate, ne qofte se levizja eshte ne drejtimin e duhur, nese levizja eshte ne drejtimin e pranimit te kerkesave te grevisteve, por edhe e te gjithe popullit opozitar, atehere une e shikoj si nje levizje ne kahun e duhur.

Por, jam shume skeptik ne levizjet e mazhorances, sepse pashe ne Parlament nje shou jashtezakonisht te turpshem, ku deputetet e mazhorances pa opoziten ne prezence, leshonin fjalime nga me te uletat dhe nga me qesharaket, duke fyer grevistet e greves se urise dhe duke perbuzur sakrificen tone. Kjo tregon se nuk kane reflektuar nga e gjithe levizja opozitare dhe nga e gjithe kriza politike, e cila u faturohet atyre.

Megjithate, mazhoranca dhe konkretisht Kryeministri Berisha vazhdon te qendrojne indiferente ndaj kerkeses se opozites per hapjen e kutive, duke thene se ky veprim politik cenon ndarjen e pushteteve.

Si e konsideroni kete qendrim refuzues te kreut te qeverise, por edhe heshtjen e tij per levizjen e fundit te shumices nepermjet zevendeskryeministrit Meta?

Kjo eshte ne stilin e levizjeve te Sali Berishes. Ai tenton qe te avancoje nje nga anetaret e tij te kabinetit ne nje diskutim apo hapje debati provokues, sic eshte rasti i takimit Meta -Topi, per te provokuar deri ku opozita do te shkoje ne tolerim ose ne pranim ose ne avancim te kerkesave te veta.

Indiferenca e Sali Berishes, nuk eshte vetem indiference por edhe frike, frike nga ajo qe populli opozitar po tregon ndaj regjimit te tij dhe ndaj refuzimit te tij per kauzen shume legjitime dhe shume demokratike te transparences se plote te asaj qe ka ndodhur me 28 qershor, duke perfshire ketu edhe hapjen e kutive.

Ky eshte komenti im per levizjet e Kryeministrit Berisha, te cilat i njoh pak apo shume, mire apo keq 20 vjet, dhe Berisha kerkon te fitoje kohe qe nuk e ka me, e ka pasur deri me tani, por nuk e ka me.

Nisur nga keto manovrime te fundit politike, a u eshte propozuar ne menyre konfidenciale ndonje oferte konkrete nga ana e mazhorances per zgjidhjen e krizes politike?

Une do te ndjek parimin uillsonian qe cdo gje qe eshte sekrete nuk eshte transparente. Deri diten qe ajo oferte behet publike, pavaresisht se mund jete konfidenciale, kjo e Presidentit Topi, atehere ajo quhet nje oferte zyrtare transparente publike.

Oferta nen tavoline qe mund te beje mazhoranca, duke leshuar nje apo dy anetare te kabinetit drejt Topit apo diku tjeter, akoma nuk jane oferta. Ato jane thjesht bisedime ne rastin me te mire dhe kulisa ne rastin me te keq.

Faktori nderkombetar ka deshtuar serish per ti hapur rrugen zgjidhjes se krizes politike ne Shqiperi, kur Parlamenti Europian disa dite me pare, nuk arriti te miratoje as deklaraten perfundimtare per ngercin politik.

Si e shikoni tani e tutje rolin e faktorit nderkombetar ne kete situate?

Ne pergjithesi, europianet ne raste krizash kane qene relativisht te vonuar ne nderhyrje. Por, kete radhe, europianet me vonesen e tyre jane ne te drejten e tyre per te pare sesi vepron klasa politike shqiptare, e cila pretendon te jete e maturuar, pasi eshte nje klase politike e nje vendi anetar te NATO-s.

Ajo qe beri Parlamenti Europian nuk eshte nje deshtim. Ajo qe beri PE-ja eshte ti lere nje test mazhorances se ketij vendi qe qeveris ne pergjegjesi te saj vendin per te reflektuar dhe per te ardhur ne nje oferte serioze per transparence te plote. Nuk mundet qe Parlamenti Europian te na jape neve zgjidhje ne tavoline.

Opozita e ka treguar seriozitetin e saj ne kembengulje demokratike, institucionale te veprimeve te saj per transparence te plote. Ne nuk jemi larguar nga parimi. Opozita e ka bere hapin e vet te maturise politike, duhet qe mazhoranca te beje hapin e saj te maturise politike, duke ofruar nje zgjidhje te krizes, sepse zgjidhja e krizes eshte ne tryezen e Sali Berishes dhe i pari njeri qe eshte pergjegjes per kete krize, per kete vuajtje per keta jete njerezish, eshte Sali Berisha.

Ju theksuat se prisni nje zgjidhje nga aktoret politike shqiptare, por ne te njejten kohe ju i keni derguar nje leter nderkombetareve, ku kerkoni transparencen e zgjedhjeve permes hapjes se kutive te votimit.

Cila eshte pergjigja konkrete qe keni marre deri me tani nga nderkombetaret?

Pergjigja konkrete e letres sone eshte e dukshme. Pergjigjet jane; qendrimi i Parlamentit Europian, refuzimi qe i beri per prodhimin e nje deklarate, paralajmerimi i komisionerit per zgjerimin Fyle per klasen politike shqiptare dhe konkretisht per mazhorancen, per stopimin e dhenies se opinionin mbi statusin, mbledhjet e sotme (e djeshme) te ambasadoreve. Te gjitha jane ne reflektim te asaj qe jemi duke bere ne ketu dhe te letres sone, e cila ishte sa njerezore, sa informative edhe me nje thelb politik.

Ne diten e 7-te te greves se urise, dy greviste shtrohen ne spital. Mjeku Sabit Brokaj tha dje se gjendja shendetesore sa vjen e rendohet mes grevisteve

*************************

Gjendja, tre greviste ne spital. Nje tjeter rikthehet ne greve

TIRANE - Greva e urise nuk ka kursyer dje shendetin e tre burrave, te cilet kane perfunduar ne Spitalin Universitar Nene Tereza per shkak te rendimit te gjendjes shendetesore ne diten e shtate te greves se urise.

Ne fillim me i moshuari i greves 67-vjecari, Nuredin Gora, i cili vuan nga semundja e diabetit, gjate oreve te paradites se djeshme u nis me urgjence ne QSUT. Gores, i cili vuan nga diabeti, i eshte perkeqesuar shendeti dhe mjeket kane urdheruar dergimin e tij per mjekim ne spital.

Me pas, Edmond Prifti nga Patosi, 37 vjec, pati probleme me shendetin, duke u detyruar qe me barele te lere ambientet e greves dhe te kerkoje ndihmen me te specializuar te mjekeve.

Mjeket thone se Edmond Prifti nga Patosi, 37 vjec, kishte shfaqur probleme me tensionin. Nderkohe, mjeku Sabit Brokaj theksoi se gjendja e grevisteve, sidomos te atyre qe kane probleme me diabetin eshte e rende, ndaj njoftoi se ketyre grevisteve iu eshte rekomanduar qe ta braktisin protesten.

Nderkohe, nje tjeter grevist, 40-vjecari Isa Arapi, eshte transportuar mbreme per ne spital. Ndersa Demo Muho, grevisti nga Tirana, i cili dje u shtrua ne spital per shkak te perkeqesimit te shendetit i eshte rikthyer greves. Erdha te perkrah shoket e mi ne kete beteje per transparencen e zgjedhjeve, - tha Muho, para se te hynte serish ne kampin e grevisteve.

Numri i grevisteve qe kane perfunduar ne spital ka arritur ne shtate, nga 30 prilli, date kur filloi greva e urise se 22 deputeteve te Partise Socialiste dhe 200 qytetareve te thjeshte mbeshtetes te PS-se, te cilat nisen betejen per transparencen e zgjedhjeve.

**********************

MSH Evidentoni grevistet kronik, kane nevoje per ndihme

TIRANE - Ministria e Shendetesise i eshte drejtuar serish Partise Socialiste per te gjetur mirekuptimin per ofrimin e asistences profesionale, qofte edhe te ekipeve te specializuara qe ofrojne sherbim mjekesor jashte ambienteve te greves per rastet qe rendohen dhe duan ndihme shendetesore te specializuar ne spital.

Kjo eshte e rendesishme per te marre informacionin e nevojshem per gjendjen e tij, ne menyre qe personeli te orientohet ne kohe dhe ne spitalin e duhur, - pohon drejtori i Politikave Shendetesore ne Ministrine e Shendetesise, Pellumb Pipero, duke shtuar se rekomandojne te evidentohen grevistet me semundje kronike dhe per ta te komunikojne me organet shendetesore kompetente, si edhe ekipet e ndihmes mjekesore prane greves ne menyre qe te ofrohet ndihme me specialiste brenda mjediseve te greves.

**************************

Leskaj Zgjidhja duhet te jete politike

TIRANE - Deputetja e PS-se, Valentina Leskaj, ka mbeshtetur dje deklaraten e Komisionerit per Zgjerimin, Stefan Fyle, sipas te cilit, duhet te kete nje zgjidhje konform Kushtetutes.

Dua te konfirmoj edhe njehere se ajo qe Partia Socialiste kerkon sot eshte transparenca e zgjedhjeve mbeshtetur ne te drejten kushtetuese. Kjo nuk ka te beje me ndryshim te rezultatit apo me vendime te Kolegjit Zgjedhor, por ka te beje me respektimin e nje te drejte ligjore.

Ne tete dite te protestes se Partise Socialiste, te protestes se qytetareve shqiptare ne Tirane dhe ne te gjithe vendin, kane deshmuar vendosmeri per standarde europiane ne zgjedhje, por njeheresh kane deshmuar civilizim, qytetari, etike dhe respekt ndaj ligjit, - tha dje Leskaj. Sipas saj, PS-ja beson se kriza eshte politike dhe zgjidhja duhet te jete po e tille, politike.