Mjeket e Infektivit ne QSUT pohojne se po mbajne ne karantine nje diplomat te dyshuar me H1N1. Erdhi nga Siria dhe po presim analizat

Alarmi i gripit te derrave tashme ka perfshire edhe vendin tone. Nje zyrtar i Ministrise se Jashtme eshte shtruar ne spitalin Infektiv, ne Qendren Spitalore Universitare "Nene Tereza", i dyshuar me gripin e derrave dhe po mbahet ne izolim te plote.

Drejtori i shendetit publik ne Ministrine e Shendetesise, Gazment Bejtja, pohon se po realizohen analizat dhe rezultatet e sakta priten te dalin brenda 40 oreve. Nderkohe, gjithe personeli i spitalit dhe pacientet e tjere jane perfshire ne panik nga gripi i derrave, duke vene maska dhe duke marre masa mbrojtese.

I dyshuari

Pas paralajmerimeve dhe alarmeve te javeve e muajve te shkuar, duket se virusi i gripit te derrave ka prekur edhe Shqiperine. Nje 57-vjeçar, diplomat ne Ministrine e Jashtme eshte izoluar dje ne sallen e reaminacionit ne spitalin Infektiv ne Tirane dhe mjeket pohojne se kane dyshime te forta qe ai te jete prekur nga virusi H1N1, ndryshe i njohur si gripi i derrit.

Behet e ditur se diplomati po kthehej nga Damasku, ku mori pjese nje delegacion i Ministrise se Jashtme dhe ministri Lulzim Basha. Sipas te dheneve zyrtare, ky grup po kalonte ne Vjene, kur pati nje gjendje te renduar shendetesore. Diplomati ka patur temperature te larte, ndaj mjeket austriake kane kerkuar qe t'i behen analiza te detajuara sapo te mberrinte ne Shqiperi.

Megjithate, mjeket e Infektivit pohojnen se pacienti ka neglizhuar, pasi eshte paraqitur ne spital vetem pas dy ditesh, kur gjendja e tij shendetesore eshte renduar, çka e bene akoma me problematik edhe mjekimin e tij, pasi semundja ka avancuar.

Por, nga ana tjeter, zyrtaret e Ministrise se Shendetesise e konsiderojne thjesht rast te dyshimte me gripin e derrave dhe se po marrin masa qe te mbajne nen kontroll situaten. "Konsiderohet si nje rast i dyshuar dhe eshte izoluar", - u shpreh Gazmend Bejtja, drejtor i shendetit publike Ministri.

Alarmi

I gjithe personeli i spitalit dhe pacientet jane pajisur urgjent me maska mbrojtese, sapo i dyshuari me gripin e derrave ka mberritur ne spitalin Infektiv. Pacientet e pyetur dhe te afermit e tyre qe dilnin nga spitali nuk e kane fshehur friken nga virusi i derrave, te cilet nuk kane refuzuar maskat mbrojtese qe u jane ofruar nga personeli.

"Sigurisht qe eshte e frikshme. Kemi degjuar per kete virus dhe ka marre jete njerezish",- pohon nje e aferme e nje pacienti ne Infektiv. Ndersa i gjithe personeli shendetesor ne kete spital eshte pajisur me masa mbrojtese, por edhe tek ata vihet re qarte frika nga ky virus vdekjeprures.