"Çeshtja nuk mund te gjykohet me aktet qe ndodhen ne dosjen e sjelle nga prokuroria dhe duhet te shqyrtohet me themel,- u shpreh gjykata

Pas vendimit te djeshem, avokati i Aldo Bares, kerkoi perjashtimin e trupit gjykues te kryesuar nga Fatmira Hajdari

TIRANE- Alfred Shkurti alias Aldo Bare, i akuzuar si organizator dhe drejtues i "bandes se Lushnjes" humb te drejten e perfitimit te uljes se 1/3 se denimit perfundimtar, nese do deklarohej fajtor per akuzat e ngritura nga Prokuroria e Krimeve te Renda.

Kjo ndodhi dje per shkak te refuzimit te gjykimit te shkurtuar nga trupa gjyqesore e kryesuar nga gjyqtarja Fatmira Hajdari. Menjehere pas publikimit te ketij vendimi qe hidhte poshte kerkesen e te pandehurit dhe avokatit te tij mbrojtes Vladimir Meci, ky i fundit me kerkese te klientit te tij, te kerkoi perjashtimin e peseshesh gjykuese, me arsyetimin e paragjykimit te ketij procesi penal.

Trupa gjyqesore e ceshtjes e kryesuar nga gjyqtarja Fatmira Hajdari dhe anetaret Artan Broci, Altin Abdiu, Sokol Tona e Kreshnik Omari, nje jave pasi degjuan kerkesen e prokurorise per mos pranimin e gjykimit te shkurtuar ndaj Aldo Bares e pranuan kerkesen e akuzes. Ne kete menyre u rrezua ajo e mbrojtjes, per gjykim te shkurtuar qe i jepte mundesine Aldo Bares te fitonte nje te treten e denimit maksimal te mundshem.

"Çeshtja nuk mund te gjykohet me aktet qe ndodhen ne dosjen e sjelle nga prokuroria dhe ceshtja duhet te gjykohet me themel per te mos u shprehur me pas se ceshtja ishte paragjykuar. Si dhe i pandehuri Aldo Bare eshte hetuar ne mungese nga prokuroria"- tha gjyqtarja Hajdari e mbeshtetur nga kater anetaret e tjere te trupes gjyqesore.

Menjehere pas ketij vendimi te ndermjetem te lexuar nga kryesuesja e peseshes gjykuese, reagoi ne seance gjyqesore avokati Mece duke kerkuar nderprerjen e seances gjyqesore per dorezimin e nje kerkese per perjashtimin e trupes gjyqesore ne kryesekretari. "Sot (dje), ne daten 10 mars 2010, u njohem me vendimin e kesaj gjykate per rrezimin e kerkeses se avancuar nga ana jone.

Duke mos paragjykuar vendimin e marre nga gjykata, cmojme se ndodhemi perpara nje pengese te pa kapercyeshme per vazhdimin e gjykimit te kesaj ceshtjeje nga ky trup gjykues, ne kushtet kur tashme ai eshte vene ne dijeni te te gjitha deklarimeve te marra ne fazen e hetimeve paraprake, cka krijon premisa serioze per paragjykimin e ceshtjes nga ana e tyre.

Ne kushtet e siperme, me qellim qe te mos paragjykohet vendimi qe kjo e nderuar gjykate do te marre, kerkoj perjashtimin e trupit gjykues te kryesuar nga gjyqtarja Fatmira Hajdari e te perbere nga gjyqtaret Artan Broci, Sokol Tona, Altin Abdiu dhe Kreshnik Omari nga shqyrtimi i ceshtjes ne ngarkim te te mbrojturit dhe perfaqesuarit prej meje, Aldo Bare alias Alfred Shkurti"-thuhet ne kerkesen e avokatit Mece.

Aldo Bare, i akuzuar si kreu i bandes se Lushnjes, dy jave me pare kishte depozituar nje kerkese per gjykimin e ceshtjes se tij ne forme te shkurtuar, duke pranuar aktet ne dosje. Pas kerkeses se avoktatit Meci, perfaqesuesi i akuzes se Krimeve te Renda, i kerkoi trupit gjykues te ceshtjes refuzimin e kerkeses, per shkak se ishte e nevojshme thirrja e deshmitareve.

Shorti cakton serish Kurushin per Baren

Pas depozitimit te kerkeses per perjashtim te trupit gjykues te procesit penal ne ngarkim te Aldo Bares, kancelaria e Gjykates se Krimeve te Renda caktoi me short gjyqtarin Klodian Kurushi per shqyrtimin e saj.

Nderkohe, pak dite me pare, Gjykata e Larte nuk pranoi te shqyrtoje rekursin e te pandehurit Bare per shuarjen e mases se sigurise per shkak te kalimit te afateve te paraburgimit si dhe shfuqizimin e procesverbalit te seances gjyqesore te verifikimit te mases se sigurise me personin e ekstraduar nga Turqia Aldo Bare.

Nderkaq, sipas Prokurorise se Krimeve te Renda mbi te pandehurin e akuzuar si koka e "bandes se Lushnjes" rendojne akuzat e "Vrasjes me paramendim" pese here; "Mbajtje pa leje te armeve luftarake"; "Shkaterrimit te prones me zjarr"; "Krijimit te organizates kriminale" si dhe "kryerjes se veprave penale nga organizata kriminale".

Bare kerkoi edhe njehere tjeter perjashtimin e Hajdarit

TIRANE- Edhe pak muaj me pare, konkretisht ne seancen e dates 9 dhjetor 2009 ka qene vete Aldo Bare me ndihmen e avokatit te tij mbrojtes Vladimir Mece qe ka kerkuar perjashtimin e kryetares se trupes gjykuese, gjyqtares Fatmira Hajdari, e njohur ndryshe edhe si bashkeshortja e Azem Hajdarit.

Kjo kerkese e avokati Bare u rrezua dhe nuk u pranua, edhe pas pretendimeve se dosja e klientit te tij eshte politizuar nga maxhoranca.

"Me qellim qe si per mua ashtu edhe ne pergjithesi per opinionin, te mos paragjykohet vendimi qe kjo e nderuar gjykate do te marre, duke perjashtuar me kete rast cdo shkak, a arsye personale, kerkoj qe ky trup gjykues te mos kryesohet nga gjyqtarja Fatmira Hajdari",-pate thene avokati Mece ne kerkesen per perjashtimin e gjyqtares Hajdari.

Pas kesaj kerkese gjyqtarja Hajdari parimisht shprehu gatishmerine duke i paraprire kesaj kerkese, qe nje jave me pas nuk u pranua perjashtimi i saj nga kryetari i Gjykates se Krimeve te Renda, gjyqtari Dritan Hallunaj.