Me mbylljen e pranveres, numri i te prekurve nga alergjia po shtohet dhe jo pakesohet. Por pavaresisht kesaj, pacientet me simptomat e alergjise mund te marrin vetem mjekimin per t‘u qetesuar, dhe te presin shtatorin per te kryer testet e alergjise. Shkaktari kryesor i alergjive ne stinen e pranveres vleresohet poleni i luleve te ndryshme ne lulezim, qe perhapet lehtesisht me kilometra larg, ndaj dhe muaji maj njihet ndryshe si "muaji i sensibilizimit per alergjite stinore".

Problemet me te medha nga alergjite vijne ne oret e para te mengjesit, pasi poleni i luleve ka nje perqindje me te madhe ne ajer. Alergjia eshte veprimi qe ndodh kur sistemi i imunitetit te trupit kundervepron ndaj diçkaje qe zakonisht nuk te ben ndonje dem, ndersa shkaktar i saj eshte alergjeni, qe jep simptoma te ndryshme ne njerez te ndryshem. Simptomat me te zakonshme jane rrjedhje hunde, apo te zena, sy te kuq te acaruar qe kruhen, kollitje, teshtima, tharje gjuhe dhe fyti, acarime te tyre, veshtiresi ne frymemarrje, tharje dhe acarim te lekures, etj.

Sipas mjekeve, nder faktoret me kryesore eshte ekspozimi ndaj polenit, por ndikojne dhe faktoret klimaterike si ndryshimi i temperaturave te ajrit, lageshtia dhe shirat. Ndonese mjedisi, sipas tyre, eshte ndikues, nuk ka ende nje perfundim te sakte mbi shkallen e ndikimit te ngrohjes globale ne rritjen e numrit te individeve te prekur nga alergjia.