Studimi i Bankes Boterore pohon se farmacite shkelin ligjin duke dhene barna pa recete. Niveli profesional i mjekeve i pamjaftueshem

Shqiperia ka kapur kreun e top listes per perdorimin e tepruar te medikamenteve. Studimi i fundit i Bankes Boterore ben nje krahasim lidhur me shpenzimet per barnat qe ben vendi yne (perqindjen qe ato zene ne shpenzimet ne total per shendetesine) krahasuar me vende si Sllovakia, Hungaria, Çekia, Japonia, Mesatarja e Bashkimit Europian, Greqia, SHBA dhe Holanda.

Krahasimi i ketyre te dhenave tregon qarte tendencen se Shqiperia kerkon t'i zgjidhe problemet shendetesore me se shumti permes medikamenteve. Deri ne 32% te shpenzimeve te pergjithshme per shendetesine, ne i harxhojme per barna.

"Vleresimet e shpenzimeve farmaceutike perllogariten ne 23-32% te shpenzimeve te pergjithshme per kujdesin shendetesor ne Shqiperi", thuhet ne studimin e Bankes Boterore, ku shtohet se mesatarja e vendeve te Bashkimit Europian per barna eshte 14% e totalit te fondit per shendetesine.

Po sipas studimit, ne SHBA per barnat shpenzohet vetem 12% e totalit per shendetesine, duke pranuar se keto vende gjejne te tjera rruge qe e shmangin "dendjen" me barna te pacienteve, ose se paku nuk fillojne direkt me alternativat e fundit, siç ndodh rendom ne vendin tone.

Arsyen se perse ndodh hipermedikalizimi ne vendin tone Banka Boterore e lidh me faktin e marrjes se barnave pa recete ne farmaci.

Ligji nuk e lejon marrjen e barnave pa recete neper farmaci me perjashtim te nje liste te vogel barnash te miratuara nga OBSH-ja. Mirepo realiteti flet ndryshe, megjithese ligji nuk e lejon, ne farmacite tona mund te marresh çfaredolloj medikamenti, me çfaredo risku dhe efektesh anesore qe ai paraqet, mjafton qe te kesh aftesine paguese per te.

Niveli profesional jo i mjaftueshem i mjekeve te praktikes se perditshme klinike eshte nje tjeter faktor qe ndikon ne hipermedikalizimin, i cili vjen si pasoje e nevojes per te mbyllur deficitin e tyre me nje mbingarkese te recetes me sa me shume barna.

Nje faktor tjeter eshte edhe mungesa e nje organizmi i cili mbron pacientet nga gabimet e mundshme mjekesore dhe abuzimi me ta. Ne kete kontekst, mjeku asnjehere nuk pergjigjet per demtimet shendetesore qe mund t'i shkaktohen pacientit nga pershkrimi i tepert i barnave.

Shoqeria shqiptare mbetet ende nje shoqeri jo dhe aq e ndergjegjesuar, qe kerkon te zgjidhe gjithçka me barna, meqenese mungojne mekanizma te tjera qe rregullojne e plotesojne njera-tjetren.