TIRANE- Bankat e nivelit te dyte tashme nuk i pengon asgje qe te nxjerrin valuten e mbledhur ne Shqiperi jashte tregut vendas duke i ardhur ne ndihme bankave te tyre mema. Mesohet se gjate mbledhjes se fundit te zhvilluar javen e shkuar, Keshilli Mbikeqyres i Bankes se Shqiperise ka shfuqizuar vendimin e marre disa muaj me pare sipas te cilit bankat e nivelit te dyte qe operojne ne vend nuk mund te investonin jashte vendit fitimet e tyre.

Nese deri me tani bankat e nivelit te dyte kane perdorur rruge te tjera per ti derguar keto para jashte, tashme nuk do te kene asnje pengese per investimin e depozitave te shqiptareve ne bankat mema.

Vendimi i BSH-se per ndalimin e nxjerrjes se valutes jashte vendit u mor ne vjeshte te vitit 2008 ne kuader te mbrojtjes se ekonomise se vendit nga kriza qe kishte prekur vendet bankat e te cilave kane filiale ne Shqiperi. Me kete vendim banka qendrore synonte ruajtjen e stabilitetit financiar ne vend.

"Nepermjet nje akti te vecante rregullativ, BSH-ja i ka kerkuar sektorit bankar qe te mos shperndaje fitimin e vitit 2008 ne formen e dividendit. Ne kete menyre, kapitalizmi i veprimtarise bankare forcohet me tej, duke ofruar nje garanci me shume per shendetin financiar te sektorit bankar ne vazhdim", - do te shprehej BSH pas vendimit te marre ne tetor te vitit 2008.

Mesohet se vendimi per lejimin e bankave tregtare qe mund te shperndajne fitimet e tyre jashte vendit ka ardhur si pasoje e permiresimit te treguesve financiare te vendit si dhe qendrushmerise se tregut bankar ne vend.

Kjo gjendje pasqyrohet edhe ne te dhenat e fundit zyrtare te Bankes se Shqiperise per sa perket ecurise se kredise dhe depozitave. Sipas Bankes Qendore, krahasuar me janarin e vitit te shkuar, depozitat e shqiptareve ne banka kane pesuar nje rritje me rreth 60 miliarde leke. Ashtu sic ndodh gjithnje, rritja me e larte eshte shenuar pergjate muajve gusht-shtator qe perkojne edhe me periudhen e kthimit te emigranteve. Krahasuar me muajin korrik, muaji gusht ka njohur nje rritje te nivelit te depozitave me miliarde leke.

Nderkohe, nje rritje paksa me te moderuar kane njohur kredite. Gjate janarit 2010 shuma totale e kredive te leshuara nga bankat arriti ne 445 miliarde leke. Krahasuar me te njejten periudhe te vitit 2009 verehet nje rritje me 42 miliarde leke.

Rritja e nivelit te depozitave dhe kredive mesohet te jete edhe arsyeja qe Keshilli Mbikeqyres i BSH-se ka lejuar bankat e nivelit te dyte te mund te dergojne valute tek bankat mema. Nderkaq nuk dihet se cfare efekti do te kete nxjerrja e valutes jashte tregut vendas, ne nje moment kur vete Guvernatori Fullani u ka kerkuar bankave te kreditojne me shume ekonomine e Shqiptare. Aq me shume kur te dhenat me te fundit raportojne per nje shtrengim te metejshem te kushteve te kredise per individe dhe biznese. Po ashtu, vendimi i BSH-se vjen ne nje kohe kur vendet, bankat e te cilave operojne ne Shqiperi jane duke perjetuar krize te thelle.