Ministria e Puneve te Jashtme pershendeti takimin e Sekretares Amerikane te Shtetit, Kondolesa Rajs, me lideret me te larte te shtetit te Kosoves, Presidentin Fatmir Sejdiu dhe Kryeministrin Hashim Thaçi dhe e konsideron ate si historik. Ky takim eshte nje shprehje e qarte e vleresimit dhe miratimit te punes se institucioneve te Kosoves, te progresit te dukshem te saj, ne procesin e kosolidimit te demokracise, te shtetit te se drejtes dhe zbatimit rigoroz te ligjit.

Ministria e Puneve te Jashtme pershendeti gjithashtu edhe angazhimin konstant te mikut te madh te Republikes se Kosoves, Shteteve te Bashkuara te Amerikes ne rrugen e saj drejt lirise dhe pavaresise dhe ne fazen e ndertimit te shtetit demokratik, me vision te qarte europian, ne sherbim te te gjithe qytetareve, pavaresisht nga perkatesia etnike, si dhe per ndihmen financiare, perfshire edhe shumen prej 400 milione dollaresh te ofruar ne Konferencen e Donatoreve.

Ky dikaster ndan te njejtin vleresim me Sekretaren Rajs se udheheqja e Kosoves eshte e afte dhe e perkushtuar dhe per te ardhmen evropiane te vendit. Kosova e pavarur eshte tashme nje realitet i pakthyeshem dhe njohja e saj nderkombetare, e pandalshme. Perspektiva e saj, se bashku me Shqiperine, Maqedonine, Malin e Zi, Serbine dhe Bosnje -Hercegovinen, eshte ne familjen evropiane e euroatlantike, duke hequr çdo shprese te atyre qe nuk e kane dashur e as nuk e duan Kosoven e pavarur, Ballkanin e qete dhe stabil.