Bashkia e Tiranes ka intensifikuar se fundmi masat dhe aksionet per lirimin e hapesirave publike nga zeniet abuzive sic jane gardhet, zinxhiret, pengesat e ndryshme apo kunjat metalike, te cilat shpesh jane nje shqetesim per qytetaret dhe vete komunitetin.

Drejtori i Drejtorise se Kontrollit Urban ne Bashkine e Tiranes, Hantin Bonati, gjate nje daljeje publike para mediave, ne zonen prane Rruges se Kavajes, shpjegoi mbarevajtjen e ketij procesi, si dhe deklaroi nderhyrjet qe kjo drejtori, ne bashkepunim me struktura te tjera pergjegjese prane Bashkise se Tiranes kane ndermarre dhe do te ndermarrin per lirimin e hapesirave publike, me qellim mbrojtjen dhe perkujdesjen ndaj mjediseve te perbashketa.

Kjo nisme e Bashkise pritet te shtrihet ne kohe nepermjet nderhyrjeve te koordinuara dhe synon te shtrihet ne te gjithe blloqet e banimit ne territorin e Tiranes.

Por sipas Bonatit nje projekt i tille duhet te kete njekohesisht edhe bashkepunimin, ndergjegjesimin dhe mirekuptimin e qytetareve. Gjithashtu, Bashkia e Tiranes u ka bere thirrje per sensibilizim te gjithe qytetaret e kryeqytetit, per te mbeshtetur punen e bashkise ne ndermarrjen e aksioneve te tilla, duke e konsideruar kete si nje detyrim moral dhe pergjegjesi qytetare, drejt garantimit te nje cilesie me te larte jetese ne qytet.