BULQIZE/ Muharrem Omuri, me pervoje te gjate ne miniera, vdiq pasi i ra siper nje masiv shkembi

BULQIZE - Eshte shenuar vdekja e radhes ne minierat e krommbajtjes ne zonen e Bulqizes. Kete here aksidenti eshte shenuar ne minieren e kromit ne Bater te Martaneshit teksa ka humbur jeten minatori 61-vjecar Muharrem Omuri.

Minatori ne fjale banon ne Kukes, ndersa punonte ne kete miniere si minator i vjeter i galerive te minierave te kromit me eksperience te gjate. Mesohet se ngjarja ndodhi afer ores 11 30 ne thellesi te galerive te kesaj miniere krommbajtese, nderkohe qe 61-vjecari po punonte si armator ne momentin e kuadratimit te galerise ku avancohej me punime minerare.

Deshmitare okulare, minatore qe punonin aty ne ato momente, kane rrefyer se ndersa Muharremi ishte duke vene shtyllat per te formuar kuadratin e sigurimit per avancim galerie sic quhet ne gjuhen e minieres me 4 punonjes te tjere te frontit, krejt papritur eshte shkeputur nje masiv shkembi nga siper per ta zene poshte, pasi ndodhej me i ekspozuar ne ballin e galerise, ndersa te tjeret kane mundur te largohen nga rreziku i atij momenti.

Shoket e tij jane munduar ta shpetojne duke punuar per te larguar materialin e rene mbi te, por sasia e madhe e materialit te rene mbi trupin e 61-vjecarit i ka sjelle demtime te renda dhe per pasoje nuk ka mundur te mbijetoje, por ka gjetur vdekjen.

Me pas aty ka mberritur grupi mjekesor dhe policia e njoftuar nga minatoret e tjere te ketij fronti galerie, e cila po heton me tej shkaqet e ketij aksidenti te rende me humbje jete. Minatori qe humbi jeten punonte per llogari te nje firme private te licencuar per punime te tilla.

Nderkohe qe policia po heton ne detaje per kushtet teknike, nese ato jane zbatuar dhe per kete jane marre ne pyetje dhe personeli teknik i firmes e te tjere deshmitare okulare.