Dokumentet e udhetimit, qe do te shperndahen me 21 korrik, po pergatiten ne Gjermani.Qytetaret e Kosoves do te kene se shpejti ne duart e tyre dokumentin kryesor te udhetimit, pasaportat e reja. Pasaporta do te jete ne 3 gjuhe, ndersa dizajni dhe te dhenat personale jane bere me teknologjine me te persosur. Pritet qe dokumenti i identifikimit per kosovaret te perfundoje deri me 21 korrik.

Pasaportat e Republikes se Kosoves jane duke u prodhuar ne Lajpcig te Gjermanise dhe i plotesojne te gjitha standardet evropiane. Dizajni dhe te dhenat personale jane bere me teknologjine me te persosur dhe eshte e pamundur te falsifikohen. Kjo pasaporte i ploteson te gjitha rekomandimet e organizates nderkombetare te aviacionit civil dhe te Bashkimit Evropian, pasi teknika e prodhimit te pasaportave ka shkuar sipas propozimeve te dhena nga BE-ja. Siguria e pasaportave eshte e nivelit mjaft te larte, sepse te dhenat personale te shenuara ne pasaporte jane te dukshme vetem permes rrezeve ultraviolete. Pasaportat e shtetit te Kosoves vleresohen lart edhe nga zyrtare te Ministrise se Puneve te Brendshme ne Gjermani. Ata theksojne se nuk duhet te ekzistoje asnje lloj dyshimi dhe frike per sa i perket cilesise se pasaportave. Pasaportat e reja do t‘u shperndahen te gjitha shteteve anetare te OKB-se. Kjo do te behet nga Ministria e Puneve te Brendshme, me qellim qe ato te shohin nga afer pasaportat e reja te Republikes se Kosoves. Miratimi i pasaportave te reja eshte nje hap i radhes i rendesishem per Kosoven, pas shpalljes se pavaresise. Deri tani qytetaret e Kosoves kane udhetuar me dokumentin e UNMIK-ut, i cili nuk eshte njohur nga shume shtete. Shume vende te botes qe e kane njohur Kosoven si shtet sovran kane bete te ditur se do te njohin edhe pasaportat e reja, por procesi ka hasur ne disa veshtiresi.

Sllovakia zyrtare eshte shprehur kunder njohjes se pasaportave te reja te Republikes se Kosoves. Shteti sllovak deklaroi se ne territorin sllovak nuk do lejohen te hyjne as edhe ata kosovare te cilet disponojne pasaporta te Republikes se Kosoves me viza Shengen ne to. Keshtu, duke filluar nga data 18 korrik e ketij viti, kur do te nise shperndarja ne te gjithe shtetasit kosovare e pasaportes me mbishkrimin Republika e Kosoves, Sllovakia nuk do te jape pranimin e saj te ketyre dokumenteve. Nje lajm i tille eshte bere i ditur nga Ministria e Jashtme e Sllovakise gjate dites se sotme. "Ne nuk e njohim Kosoven e pavarur, pra as dokumentet e tyre", ka thene zedhenesi i diplomacise sllovake. Gjithashtu, duke shprehur edhe nje here qendrimin e saj kunder pavaresise se Kosoves, zedhenesi i Ministrise se Jashtme sllovake, Jan Skoda, ka thene se "edhe me tutje do te njohim pasaportat qe leshon UNMIK-u dhe ato te Serbise". Ne kete menyre, njoftimi i kesaj ministrie ka bere te qarte qendrimin se ne territorin sllovak nuk do lejohen te hyjne as edhe ata kosovare te cilet disponojne pasaporta te Republikes se Kosoves me viza Shengen ne to.

Sipas Ministrise se Brendshme te Kosoves pasaportat e shtetasve kosovare do te zevendesojne ato te UNMIK-ut dhe do te kene standardin me te larte te sigurise ne rajon te rekomanduara edhe nga eksperte te Komisionit Evropian.