Qytetaret ndjehen te pasigurte ne blerejen e letrave me vlere per t'i perdorur ne procesin e legalizimeve

Ndersa pritej nje rritje e çmimit te letrave me vlere, ato kane humbur tre pike, duke u kembyer me 5% te vleres

TIRAN�‹- Premtimet elektorale te Kryeministrit Berisha se ne rast te fitores ne zgjedhjet e dates 28 qershor do t'iu bente te mundur njerezve te perfshire ne procesin e legalizimit qe 80 per qind te tarifes ta paguanin me letra me vlere, nuk kane ndikuar ne ecurine e shit-blerjes se tyre.

Perkundrazi, ndersa pritej nje rritje e vleres se tyre per shkak te kerkeses me te madhe te tyre per t'u perdorur ne procesin e legalizimeve te objekteve pa leje, pergjate diteve te fundit ne tregun e lire verehet nje ulje e konsiderueshme e çmimit te tyre.

Duke filluar qe nga nisja e fushates elektorale per zgjedhjet e dites se diel, çmimi i shitjes se letrave me vlere ka levizur nga tete deri ne pese per qind.

Ne fakt, i ndikuar drejtperdrejt nga premtimet elektorale te aktoreve kryesore te politikes ne kete prag zgjedhjesh, menjehere pasi kryeministri Berisha premtoi perdorimin masiv te tyre gjate procesit te legalizimeve, çmimi i letrave me vlere arriti kulmin duke u shitur me 8 per qind. Ndersa qe nga mesi i ketij muaji, e ne vazhdim, çmimi i tyre ka rene ne nivelin e pese per qind.

Te pyetur se si e parashikojne ecurine e çmimeve te letrave me vlere nisur edhe nga premtimet per perdorim te tyre ne procesin e legalizimeve, operatoret e tregut te letrave me vlere shprehen te pasigurte, per vete faktin se te qenurit para zgjedhjeve elektorale behet shkak per berjen e premtimeve te shumta te cilat nuk dihet nese do te realizohen ne rast fitoreje. "Gjithkush mund te beje premtime por e rendesishme eshte mbajtja e tyre",- shprehen ata.

Tregu

Dy jane shkaqet kryesore qe sipas operatoreve te ketij tregu shkaktojne kete situate disi te çuditshme, ku ndersa pritej qe çmimi i letrave me vlere te rritej si asnje here me pare, me keq akoma ai ka pesuar renie duke u blere vetem me 5 per qind te vleres se tyre.

Njera nga arsyet qe sipas tyre ben qe çmimi i letrave me vlere te ulet ne krahasim me periudhat e meparshme lidhet me pasigurine qe kane qytetaret mbi te ardhmen politike te vendit, ndersa tjetra me mosbesimin e tyre ne vertetesine ketyre premtimeve dhe ne realizimin e tyre pas mbarimit te zgjedhjeve.

Sipas tyre, gjendja disa dite para zhvillimit te zgjedhjeve te pergjithshme ku do te vendoset forca politike qe do te qeverise kater vitet e ardhshme, i ben qytetaret qe te jene me te kujdesshem se se zakonisht ne kete periudhe, per sa i perket levizjeve te tyre financiare.

Disa dite me pare, gjate mbledhjes se fundit te keshillit te ministrave per kete legjislature, kryeministri Sali Berisha, i premtoi familjeve qe jane ne proces legalizimi, se do te behej i mundur perdorimi i letrave me vlere per te paguar 80 per qind te tarifes se legalizmit, duke iu kushtezuar atyre voten ne zgjedhjet e dates 28 qershor.

Premtimi, legalizim me letra me vlere

TIRAN�‹- Ne mbledhjen e fundit te qeverise per kete legjislature, Kreu i saj Sali Berisha beri premtimin e radhes ndaj pronareve te objekteve ne proces legalizimi, duke kushtezuar voten e dates 28 qershor me miratimin e nje vendimi me ane te te cilit do te behet e mundur pagesa e 80 per qind te tarifes me letra me vlere.

Krahas atyre qe ende nuk e kane paguar tarifen e legalizimit, vendimi iu njeh te drejten edhe atyre qe kane paguar tashme parate per legalizimin, qe permes letrave me vlere t'iu kthehet shuma prej 80 per qind.

Me gjithe se permbajtja e plote e vendimit ende nuk eshte zbardhur pasi ekspertet e Ministrise se Financave jane ne pune e siper, per pergatitjen e tij, referuar fjales se Kryeministrit, te gjithe ata qe tashme i kane likuiduar tarifat e legalizimit te objekteve, mund te blejne letra me vlere ne treg te lire, ndersa me pas do t'iu kthehet ne vlere monetare 80 per qind e shumes se paguar.

"�‡do qytetar qe deri tani ka likuiduar teresisht shumen monetare qe detyrohej per legalizimin, eshte i ftuar te bleje letrat me vlere dhe 80 per qind e asaj shume do t'i kthehet ne monedhen qe ka paguar, ne leke",- tha ai.

Kjo deklarate vetem disa dite para dites se votimit me shume se nje premtim, konsiderohet si nje kusht ndaj te palegalizuarve, se nese nuk votohet koalicioni i djathte, ky vendim nuk do te miratohet ndonjehere.