Njesia e Inteligjences Financiare, ngriti dyshime mbi llogarite, kur u zbulua se ato po transferoheshin jashte Shqiperise

Prokuroria bllokoi llogarite bankare, si dhe dy apartamente me vlere 140 mije euro. Tre persona nen hetim

TIRANE- Njesia e Task-Forces ne prokurorine e kryeqytetit, ka bllokuar rreth 530 mije euro dhe dy apartamente me vlere 140 mije euro, ndaj tre personave, pasi hetohen per akuzen e pastrimit te parave.

Lajmi konfirmohet nga burime zyrtare te institucionit te akuzes, te cilet saktesuan se dosjet hetimore me emrat e tre personave, i jane derguar Prokurorise se Krimeve te Renda per hetimin pasuror mbi bazen e ligjit Antimafia, ndersa per arsye hetimore emrat e tyre nuk behen publike. Burimet pohuan se vlera e 530 mije eurove eshte gjetur ne kater numra te ndryshem llogarie dhe po behej gati per tu transferuar jashte Shqiperise.

Nderkaq, dy apartamentet me vlere perkatesisht nga 70 mije euro secili (140 mije euro total) jane blere nga dy te dyshuarit nepermjet transfertes se llogarise bankare, ndersa sipas hetuesve, ata nuk arrijne ti justifikojne keto te ardhura.

Njesia e Inteligjences Financiare (FIU) prane Ministrise se Financave, ka informuar njesine e Task- Forces se Prokurorise se Tiranes, se ne kater numra llogarie te nje banke te nivelit te dyte, ne emer te disa personave, jane derdhur para te pajustifikuara dhe te dyshimta ne lidhje me prejardhjen e tyre.

Menjehere njesia e hetimit te Antikrimit Ekonomik, ne Prokurori, urdheroi deget e bankave te nivelit te dyte ku ndodheshin keto llogari, te bllokonin parate deri ne nje vendim te dyte te prokurorise apo Gjykates. Pas bllokimit te ketyre llogarive, prokuroria urdheroi bllokimin edhe te dy apartamenteve te blera ne vleren e 70 mije eurove secili.

Apartamentet jane ne pronesi te dy personave te hetuar, te cilet nuk kane depozituar dokumente bindese per prejardhjen e ketyre parave,-thuhet nga burimet zyrtare te Task-Forces. Sipas burimeve te prokurorise, fillimisht eshte identifikuar nje shume prej 400 mije eurosh te depozituara nga nje shtetas shqiptar. Ai pas depozitimit kishte kerkuar transferimin e tyre jashte Shqiperise.

Pas informacioneve per kete veprim, Task-Forca vendosi ngrirjen e shumes dhe fillimin e hetimeve me dyshimin e kryerjes se vepres penale te pastrimit te produkteve te vepres penale, ose sic njihet ne gjuhen e perditshme si pastrim parash.

Vetem pak dite pas bllokimit te kesaj shume, FIU informoi Task-Forcen edhe per dy llogari te ndryshme bankare, me vlere prej 130 mije euro te dy personave te ndryshem. Keta te dyshuar, me pas kishin transferuar nga 70 mije euro secili ne adrese te nje firme ndertuese, te ciles i kishin blere dy apartamente ne Tirane.

Llogarite bankare dhe apartamentet, me urdher te prokurorit tashme jane bllokuar dhe po i nenshtrohen hetimit per dyshimet e pastrimit te parave.

Gjate diteve ne vazhdim, njesia e Task-Forces pritet ti drejtohet gjykates se kryeqytetit, per caktimin e mases se sigurimit sekuestro preventive mbi keto llogarite bankare dhe dy apartamentet, e tre te dyshuarve per pastrim parash.

Deri me tani seksioni i Task-Forces se Prokurorise se kryeqytetit, i ka referuar Prokurorise se Krimeve te Renda tri dosje per hetim pasuror mbi bazen e ligjit Antimafia.

Dy prej ketyre dosjeve, me pese persona tashme i jane nenshtruar sekuestrimit me vendim te Gjykates se Shkalles se Pare per Krime te Renda ne kryeqytet, bazuar ne ligjin Per Parandalimin dhe Goditjen e Krimit te Organizuar ne vend.