Sipas kreut te OSBE-ODIHR-it, shumica dhe opozita duhet te gjejne pikat e perbashketa per te arritur nje marreveshje

VLORE - Apeli i Parlamentit Europian per te hetuar zgjedhjet e kaluara parlamentare permes shqyrtimit te materialeve zgjedhore dhe vendosjes se dialogut politik, eshte perforcuar edhe me shume nga faktori nderkombetar ne vend, i cili kerkon uljen ne tryezen e bisedimeve te Kryeministrit Sali Berisha dhe kryeopozitarit Edi Rama per ti dhene fund krizes politike qe vazhdon prej me se nje viti.

Kjo ka qene thirrja qe ka bere nga qyteti i Vlores, kreu i Prezences se OSBE-se ne Shqiperi, Robert Bosh. Gjate nje forumi per dialog nderkombetar, Bosh ka theksuar se forcat politike duhet te arrijne ne nje pike te perbashket, per te vendosur nje kompromis midis tyre, i cili, sipas tij, nuk duhet te jete nje kompromis, ku njera pale te fitoje mbi tjetren.

Duhet qe palet te ulen te gjitha se bashku dhe te arrijne nje kompromis. Kjo fjale e shpjegon qe duhet arritur ne nje pike te perbashket dhe nuk duhet arritur ne nje pike qe cdo pale mund te mbetet e lumtur nga ajo cka mund te arrihet.

Dhe ky eshte parimi pergjithshem i nje demokracie, qe te gjitha palet te ulen se bashku dhe te arrijne kompromisin. Nese nuk eshte e mundur qe te arrihet nje kompromis, atehere eshte e mundur qe mazhoranca te vendose, pasi eshte shumica. Megjithate, duhen bere perpjekje per kompromis, - tha dje Bosh.

Megjithate, Bosh vuri ne dukje se mazhoranca nuk mund ti marre e vetme vendimet per te zgjidhur situaten politike, por duhet qe te arrije nje marreveshje me opoziten per ta kryer kete veprim. Para se gjithash, Bosh ka apeluar per vendosjen e nje dialogu politik midis drejtueseve politike.

Po flasim parimisht se si duhet te funksionoje nje demokraci, nuk po flasim per ceshtje specifike dhe megjithate une e thashe qe mazhoranca ne nje sistem demokratik mund te vendose, por gjithashtu permenda se duhet te jete nje kompromis, duhet te jete nje bashkepunim dhe nje dialog midis paleve. Kjo eshte menyra se si ne fund mazhoranca mund te vendose. Mesazhi im eshte te gjendet nje kompromis, - u shpreh ai.

Duke iu referuar deklaratave te ardhura nga Parlamenti Europian dhe institucione te tjera te BE-se se vazhdimi i krizes politike rrezikon integrimin e vendit ne familjen europiane, kreu i OSBE-se specifikoi se moszgjidhja e situates politike do te kete nje ndikim negativ ne rrugen e Shqiperise drejt Bashkimit Europian.

Une nuk jam perfaqesues i Bashkimit Europian, por sigurisht mund te kete ndikim, kjo nese palet nuk bashkepunojne. Nese ato vijojne te kundershtojne, mund te kete ndikim negativ, - nenvizoi Bosh.

Ai saktesoi se rruga e vetme per zgjidhjen e krizes politike ne Shqiperi eshte bashkepunimi i lidereve politike shqiptare dhe, sipas tij, ky eshte nje apel i qarte qe ka ardhur nga Parlamenti Europian. Perpos thirrjes per zgjidhjen e ngercit politik, Bosh ka kerkuar qe demokracia te zhvillohet ne te gjitha nivelet e pushteteve, duke nisur, qe nga pushteti vendor e deri tek pushteti ekzekutiv dhe ai legjislativ.