Shefi i kabinetit te komisioneres Sesilia Malmstrom shprehet se brenda veres Shqiperia duhet te plotesoje kushtet

Qytetaret e Shqiperise do te mund te udhetojne pa viza ne vendet e BE-se nga vjeshta e ketij viti. Gjithmone, nese Shqiperia do mund te plotesoje tre kushtet qe Bashkimi Europian i ka vene serish asaj dhe qe kane te bejne me rehabilitimin e te riatdhesuarve, zbatimin e kuadrit ligjor dhe venien ne zbatimit te ligjit te konfiskimit te pasurive te paligjshme apo sic njihet ndryshe ligji antimafie. Kete e rithekson edhe nje here Michele Cercone, shef i kabinetit te Komisioneres se BE-se, Sesilia Malmstrom, i cili nder te tjera jep dhe arsyet pse u kushtezua nje gje e tille per rastin e Shqiperise. Cercone thekson se liberalizimi i vizave do krijoje mundesi per qytetaret shqiptare qe te levizin 3 muaj ne vendet e Shengenit pa pasur vize, por pa pasur mundesi qe te punesohen ne keto vende.

Zoti Cercone, propozimi i Komisionit Europian drejtuar Keshillit te Ministrave te BE-se dhe Parlamentit Europian per liberalizimin e vizave per Shqiperine, u kushtezua dje me permbushjen e disa kerkesave shtese. Pse ndodhi keshtu, ku u mbeshtetet ky kushtezim shtese?
Propozimi eshte i kushtezuar per te dyja vendet, por sidomos per Shqiperine, e cila duhet te permbushe disa kerkesa ende te paplotesuara. Gjithsesi, Komisioni Europian vlereson perparimin qe ka bere Shqiperia dhe Bosnje-Hercegovina ne arritjen e standardeve te kerkuara per procesin e liberalizimit te vizave. Fjala eshte lidhur me permiresimin e masave te sigurise se pasaportave, kontrollit kufitar dhe kuadrit institucional per te luftuar krimin e organizuar dhe korrupsionin.

Megjithate, Shqiperise i duhet te shenoje perparime edhe ne tre drejtime se pari, ne zbatimin e nje strategjie dhe politike qe mbeshtet riintegrimin e shtetasve shqiptare te kthyer nga vendet e BE ne atdheun e tyre se dyti, ne zbatimin ne menyre aktive dhe efikase te kuadrit ligjor per te konfiskuar asetet e vena nga krimi i organizuar. Drejtimi i trete ka te beje me forcimin e kapaciteteve njerezore dhe financiare per te zbatuar me efikasitet kuadrin ligjor ne luften kunder krimit te organizuar dhe korrupsionit. Kjo eshte shume e rendesishme, pasi heqja e vizave nuk duhet te krijoje probleme per vendet e BE-se, qe jane destinacioni i fundit i nje qytetari, ne rastin konkret nga Shqiperia dhe ne pergjithesi nga vendet qe perfitojne nga ky proces.

Plotesimi i ketyre tri kerkesave shtese eshte shume i rendesishem per nje vendim pozitiv. Komisioni Europian do te monitoroje permbushjen e tyre gjate kesaj vere, qe te sigurohet per kete. Misioni monitorues do t`i jape Keshillit te Ministrave te BE dhe Parlamentit Europian nje vleresim te qarte dhe ne detaje per perparimin e arritur ne keto tre drejtime. Nese kjo do te ndodhe ka shume te ngjare qe Keshilli Ministrave dhe Parlamenti Europian t`i japin ketij propozimi, ne vjeshten e ketij viti, driten e gjelber.

Liberalizimi vizave e sjell me prane realizimin e aspirates per integrim ne BE, te Shqiperise dhe te Bosnje-Hercegovines ne rastin e propozimit te fundit, te 27 majit, te KE-se. Por nuk mungon perceptimi i qytetarit te thjeshte ne Shqiperi, per t`u punesuar apo tentuar te vendoset ne vendet e BE. Dhe kjo ka ndodhur edhe me pare me vende te tjera te Ballkanit Perendimor. Cili eshte mendimi juaj?

Ideja e procesit te liberalizimit te vizave lidhet me mundesine e udhetimit pa viza ne vendet anetare te BE-se dhe ne ato te hapesires Shengen edhe te qytetareve shqiptare qe posedojne nje pasaporte biometrike. Pra, liberalizimi i vizave heq ose zhduk detyrimin per te aplikuar per nje vize afatshkurter te personave qe kane te tille pasaporte dhe u jep atyre te drejten per te udhetuar dhe hyre ne vendet e BE-se dhe te hapesires Shengen, kryesisht per qellime turistike, per nje periudhe tremujore pa pasur nevoje per vize.

Ky eshte nje hap i rendesishem drejt integrimit te Shqiperise dhe vendeve te tjera te Ballkanit Perendimor ne BE, por liberalizimi vizave nuk krijon mundesine per te qendruar me shume se tre muaj, per t`u vendosur apo per te shkuar per te punuar ne vendet e BE dhe ne ato te hapesires Shengen.