Arritje e shkelqyer e peshengritesit nga Shtermeni, qe dominon ne peshen 62 kg ne Amiens te Frances

Peshengritja vazhdon te jete sporti me cilesor ne Shqiperi. Rezultati me i fundit i jashtezakonshem ka ardhur nga Daniel Godeli, qe ne Kampionatin e 11 Evropian te Peshengritjes per U-17 ka fituar tri medalje ari. Sportisti nga Shtermeni ka dominuar totalisht garen ne peshen 62 kg ne Amiens te Frances dhe ne fund u shpall kampion kontinental. Godeli la pas 51 konkurrente te tjere, duke u ngjitur tri here ne vendin me te larte ne podium. Megjithate, gara e tij nuk ishte aspak e thjeshte. Kjo mbi te gjitha ne stilin e shkeputjes, ku triumfoi pasi ngriti 118 kg, nderkohe qe ndjekesi i tij me i afert ka ngritur vetem 1 kg me pak. E kunderta ka ndodhur ne shtytje, ku Godeli dominon, madje tenton te regjistroje edhe rekord evropian per 17-vjeçare. Ne proven e pare ai ngre me sukses 140 kg, e po kaq e suksesshme eshte edhe prova e dyte, me 145 kg. Duke qene se prova e dyte i kishte siguruar medaljen e arte ne shtytje dhe ne dygaresh, peshengritesi nga Komuna e Elbasanit provon edhe "goditjen e madhe". Ne tentativen e trete ai kerkon peshen 154 kg, duke synuar te thyente rekordin kontinental, por nuk ia ka arritur. Godeli kryesoi edhe klasifikimin ne dygaresh, me peshen e pergjithshme 263 kg. Presidenti i Federates se Peshengritjes, Esat Ademi, qe ka shoqeruar ne France ekipin e te rinjve kuqezi, u shpreh mjaft entuziast. "Ështe nje arritje e jashtezakonshme kjo e Godelit", tha ai nepermjet linjes telefonike per "Shqip". "Tri medalje te arta ne Kampionatin Evropian shenojne nje tjeter maje te peshengritjes shqiptare". Me tej Ademi shtoi: "Gara ishte relativisht e veshtire, mbi te gjitha ne stilin e shkeputjes, ku me 118 kg te ngritura Godeli fitoi arin vetem per 1 kg, pasi rivali i tij turk ngriti 117. Jemi shume te lumtur, pasi kishim shpresa te ky sportist. Per t‘u vleresuar eshte edhe puna e mire e trajnerit te Godelit, Ali Lunaxhiu. Nje tjeter peshengrites, tek i cili shpresojme shume ne kete aktivitet, eshte edhe Xhulio Prroni". Paraqitja e sportistit te talentuar eshte ndjekur nga afer edhe nga ambasadori shqiptar ne France, Ylljet Aliçka. Madje, ka qene kreu i perfaqesise diplomatike ai qe i ka varur ne qafe Godelit medaljet e fituara me merite.