"Jani dhe Dino me kapnin mishin me pinca, dhe me qellonin me thika dhe pirune". Ky rrefim trondites eshte regjistruar dje ne Gjykaten e Tiranes, ne procesin ndaj pedofileve me nenshtetesi angleze, te cilet, sipas akuzes, e kane ushtruar veprimtarine ne qendren bamirese "Femijet e Tij". Dje, nje 12-vjeçar, i cili dyshohet te jete abuzuar seksualisht para tre viteve ne qendren tashme famekeqe ne kryeqytet, ka deshmuar permes nje video-konference para gjykates se Tiranes kunder dy te pandehurve, Robin Arnold dhe Dino Kristodulu, te dy shtetas britanike. Perveç dy te pandehurve qe ndodhen ne qeli, i mituri ka akuzuar edhe ish-kuzhinierin e qendres bamirese, Janaq Papleka, qe sipas tij e dhunonte fizikisht dhe e godiste shpesh me sende te fora. Ish-punonjesi Papleka ka fituar lirine pak muaj me pare, gjate procesit paralel qe po zhvillohet per skandalin seksual. Ai akuzohej per moskallezim krimi dhe perpjekje te fshehjes per zbulimin e te vertetes. "Jani dhe Dino me qellonin me pinca, thika dhe pirun", tha i perlotur i mituri, i cili gjate kohes kur keqtrajtohej kishte qene vetem 9 vjeç. Pikerisht ne kete pike gjyqtarja Shefkie Demiraj ka kerkuar nderprerjen e seances, pasi i mituri nuk mund te rrefehej me tej per shkak te gjendjes depresive dhe frikes qe shfaqi, edhe pse intervista behej ne nje zyre tjeter dhe fytyra ishte e kriptuar. Femija eshte personi i pare qe sjell deshmine e detajuar dhe me fakte konkrete, ndaj dy anglezeve te akuzuar per kryerje te marredhenieve seksuale me te mitur. Nderkaq, per te njejten çeshtje gjyqesore ndaj ish-administratorit te qendres bamirese "Femijet e Tij", John Devid Braun, procesi po shkon drejt fundit.


Braun

I pandehuri Braun eshte perballur me deshmi te shumta, jo vetem te femijeve te abuzuar fizikisht dhe seksualisht, por edhe te familjareve te tyre qe i kishin besuar femijet tek ai. Ne nje seance me pare, ka deshmuar nje nga deshmitaret me te rendesishem dhe pikerisht drejtori i klinikes mjekesore ABC, Guy Eshelman. Ne kete klinike jane vizituar here pas here gjate viteve te fundit te miturit qe mbaheshin ne qendren "Femijet e Tij". Ështe serish kjo klinike qe ka nxjerre edhe raportin e pare te impotences per Braun.

"Perveç problemeve shendetesore, ne kliniken tone jane sjelle edhe femije qe shfaqnin probleme me sjelljen dhe probleme fizike te shkaktuara nga abuzimi seksual", ka deklaruar Eshelman kete here ndryshe nga çka deklaruar ne deshmine e pare. Sipas mjekut anglez, gjithsej kane qene 12 femije, te te cilet ishin konstatuar abuzime seksuale. Gjithsesi, ai ka marre ne mbrojtje britanikun 51-vjeçar, duke deklaruar se ai sillej mire me femijet, te cilet i vishte, i ushqente dhe kujdesej per ta. Po ashtu, mjeku Eshelman ka thene perpara togave te zeza se edhe femijet e ekzaminuar ne kete klinike ishin sjelle aty pas kontakteve qe Braun kishte pasur me stafin e klinikes. Madje, ky i fundit i kishte çuar vete femijet per kontroll mjekesor. Ne vijim te fjales se tij, mjeku anglez ka treguar procesin e vizitave mjekesore qe u beheshin femijeve. Prokuroria ka kundershtuar deshmine dhe raportin e klinikes per impotencen e Braun. Sipas akuzes, referuar ekzaminimeve te kryera nga mjeket shqiptare i pandehuri vuan nga semundja e fimozes (semundje qe veshtireson kryerjen e marredhenieve seksuale), e cila gjithsesi nuk e pengon ate te kryeje marredhenie seksuale apo homoseksuale.