I kane mjaftuar vetem 7 dite stervitje, qe te kuptoje edhe me mire se Tirana e ketij sezoni do te jete skuadra per t'u mundur. Bledar Devolli, blerja e re e presidentit Refik Halili, duket se eshte ambientuar shume shpejt me shoket dhe stafin teknik. Gjirokastriti ndihet i kenaqur me gjithcka qe e rrethon dhe shpreson ta shperbleje besimin ne fushe. Ne nje interviste per "Sportin shqiptar", Devolli eshte i sigurt se titulli kampion do te behet realitet ne kampionatin e ri, qe do te nise me 24 gusht.

Bledi, si kane qene ditet tuaja te para si bardheblu?

Ia kam kaluar shume mire. Me pjesen me te madhe te lojtareve njihesha, nderkohe qe edhe me nje pjese te stafit teknik kam kaluar mire kur kam qene para 7 vitesh. E vetmja enigme per t'u zbuluar ishte trajneri Bllazhe Slishkovic.

Cfare pershtypjeje ju ka lene boshnjaku?

Shume te mira. Eshte nje trajner profesionist dhe kjo duket qarte ne menyren se si punon me ne, duke na shpjeguar cdo ushtrim dhe cdo detyre qe kemi ne fushen e lojes. Stervitja qe Slishkovic aplikon eshte e larmishme dhe na jep mundesine te lodhemi duke u kenaqur.

Si po ju duket skuadra ne fushe?

Te gjithe, pa perjashtim, jemi te perkushtuar per te marre me te miren nga kjo faze pergatitore. E kam fjalen ketu qe nga me i riu dhe deri te me i vjetri ne skuader, po punojme me te njejtin intensitet. Kjo edhe fale kushteve qe na jane krijuar ne Oher, ku hoteli ndodhet afer me fushen stervitore, nderkohe qe temperaturat jane te uleta.

A mendoni se ka ende nevoje qe grupi te kompletohet?

Ne nje skuader si Tirana, perforcimet jane gjithmone te nevojshme. Dje, me grupin eshte bashkuar mbrojtesi Andi Lila, nderkohe qe presim Daniel Xhafajn, Abraham Alechenyn, Laurent Mohelebin dhe Erbim Fagun, te cilet jane deklaruar pjese e ekipit. Edhe keshtu jemi shume te forte, por nese do te vinte dikush tjeter, qe ka karakteristikat per te luajtur te Tirana, sigurisht qe i ka dyert te hapura.

Mesfusha, ku edhe ju vete luani, eshte reparti i mbipopulluar...?

Eshte e vertete. Jemi disa lojtare me karakteristika te njejta, por kjo nuk perben problem per mua, sepse do te jete trajneri ai qe do te zgjedhe se kush do te luaje. Personalisht, jam pergatitur per te perballuar konkurrencen te Tirana, ndryshe nga sa kam luajtur neper ekipe te tjera, ku isha titullar.

Ne fund, deri ku e shihni se mund te arrije kjo Tirane?

Nje klub si yni nuk duhet ta vere ne dyshim shpalljen kampion. Do t'i siguroja te gjithe, vecanerisht kundershtaret, se Tirana e ketij sezoni do te jete nje skuader e frikshme ne fushe.