Vajzat e showt dhe kirurgjia plastike. Nje bisede me kirurgun qe ka nderhyre ne fytyrat e Ciljeta Xhilages, Orinda Hutes, Anjeza Brankes etj. Fotot para dhe pas operacionit dhe pse kirurgjia plastike nuk eshte me tabu

Nje operacion plastik nuk eshte me tabu. Madje kur mendon qe operacione te tilla jane bere edhe perpara viteve 90, pikerisht ne spitalet shqiptare, *tabuja* behet edhe me e zbehte.

Sigurisht qe para viteve 90 beheshin te tilla nderhyrje vetem ne raste aksidentesh. Rregullimet e fytyres kane qene pjese e detyres se mjekeve okuliste. Ata nderhynin ne rastet kur kishte shemtime nga goditje te ndryshme, incidente me kafshet, aksidente te ndryshme etj.

Kurse sot, per disa, vecanerisht per vajzat qe shohim shpesh neper ekrane e qe dashur padashur, me merite apo pa merite, behen modele te sjelljes, arsyet e nderhyrjeve ne fytyre jane krejt te ndryshme.

Disa prej ketyre vajzave, i njohim te gjithe. Kultura e masmedias ne pergjithesi dhe menyra si behet televizion ne vecanti, na ka imponuar ne nje fare menyre prezencen e tyre te shpeshte. Kjo prezence intensive e tyre ne media, per shume nga ne *konsumatoret* eshte shpesh bezdisese, kurse per vete vajzat, me sa duket selit zakonin qe te jene *te perkryera* ne cdo moment. Njerez te perkryer sigurisht nuk ka. Por shyqyr, ka bisturi.

Folem rreth fenomenit me nje nga kirurget plastike ne Tirane, doktor Edmond Llacin, i cili ka nderhyre ne fytyrat e disa prej personazheve te njohur te shout shqiptar, Ciljeta Xhilages, Orinda Hutes, Anjeza Brankes etj.

Doktor Llaci na tregon gjate bisedes disa nga eksperiencat e tij me vajzat e shout:*Ciljeta me erdhi me dy foto te modeleve shume te njohura boterore dhe me kerkoi qe edhe hunda e saj te ishte si e ketyre modeleve. Sigurisht qe kirurgu i plastikes i merr ne konsiderate kerkesat e klientit, por atyre u shpjegohet edhe forma qe iu shkon me fytyren*,- pohon mjeku, duke shtuar se nese nuk binden per sugjerimet, atehere punohet per te realizuar vetem kerkesat e tyre. Hunda e Ciljetes, p.sh., kish qelluar disi e mbushur me tule duke dhene imazhin e nje hunde bufe; pas operacionit u perftua nje hunde me elegante dhe e rregullt.

Ndersa Anjeza Branka iu nenshtrua nje nderhyrjeje te dyte ne Tirane, pas nje operacioni plastik qe kishte realizuar ne Turqi. Kesaj here duket qe ka mbetur e kenaqur.

Vajza tjeter e njohur e shout, Orinda, ka kerkuar hunde me hark dhe kerkesa e saj sipas doktor Mondit ka qene me vend pasi forma e re e hundes i ka dhene akoma me shume embelsi fytyres se saj.

Nder hundet me te veshtira qe Dr.Llaci ka kaluar duket qe ka qene ai i nje personazhi televiziv nga ato te emisioneve te mengjesit, vajzes qe gjindja qe konsumon televizion qe ne pike te sabahut, e njeh me emrin Paloma. Kesaj i eshte dashur te rikonstruktoi totalisht hunden e saj. Nje tjeter personazh televiziv qe ka pasur deshire per bisturi eshte kengetarja e emisionit Top-Shou, Xhoi. Edhe hunda e saj ka pesuar nje transformim te thelle. *I eshte hequr kurrizi dhe muret anesore te hundes jane hulluar*, thote Dr.Llaci.

Ndersa Anjeza Branka duket se ka pasur me shume pune se koleget e saj pasi bisturia e plastikes i ka prekur jo vetem hunden, por edhe veshet. *Sapo i eshte bere nderhyrje tek veshet Anjeza ka realizuar klipin *Garipe jam* dhe nese e vini re tek ky klip ne shumicen e rasteve i ka floket e kapura duke nxjerre ne pah veshet, te cilet duket qe nuk jane me me defekt*,- pohon doktor Edmondi.

Pas vesheve Anjeza ka realizuar operacion edhe mbi hunden duke ia kthyer ata nga nje hunde bufe ne nje hunde elegante. Pas ketyre vajza mendon se eshte shfaqur me e plotesuar me imazhin e saj.

Sa kushton nje operacion plastik ne fytyre?

Zakonisht ata qe u nenshtrohen nderhyrjeve te kirurgjise plastike, nuk jane nga ata qe kursehen per te paguar per sherbimin. Sigurisht qe nuk kane pasur nje fature fikse per operacionet qe u jane bere, pasi shkalla e veshtiresise se operacionit nuk ka qene e njejte per te gjitha.

Pas shume perpjekjesh per te mesuar cmimet e operacioneve plastike mesuam se ne nje klinike private nje operacion per hunden kushton rreth 500 euro, ndersa per veshet rreth 300 euro.

Sa i takon selikonit ne gjoks apo heqjes se rrudhave, nderhyrjet jane akoma me te shtrenjta, pasi paguhet me shume se 1000 euro per nje nderhyrje.

Operacionet me te kerkuara, sipas llojeve

Njerez te zakonshem apo personazhe te botes se spektaklit, jane ne nje shtim te vazhdueshem te aplikimit te kirurgjise plastike dhe estetike: tek grate me te kerkuara jane operacionet e gjoksit, ndersa tek burrat floket.

Nga viti 2003 deri ne vitin 2006 kryerjet e ketyre lloj operacioneve, sipas nje sondazhi jane rritur me 16 %. Ne krye te klasifikimeve per nderhyrjet tek femrat jane operacionet per heqjen e celuliteve, ne vend te dyte rimodelimi i gjoksit, ne vend te trete jane operacionet e hundes, heqja e rrudhave dhe ato te vesheve.

Ndersa per seksin e forte, meshkujt, vendin e pare e zene operacionet per mbjelljen e flokeve, me pas hunda veshet dhe ne fund heqja e celuliteve.

Vip- at e(pa) penduar!!!

Me pare konsiderohej shkelje etike, por tani tabute jane thyer. Edhe vete aktoret flasin per operacionet e tyre plastike. Anna Falchi tregon: *Isha vetem 18 vjece, isha e gjate, e dobet dhe nuk kisha pothuajse fare gjoks. Mora avionin per ne Milano dhe i kerkova kirurgut te ma bente gjoksin te dukej uniforme me trupin, por nese koha do te kthehej mbrapa eshte nje veprim qe nuk do ta ribeja*.

Demi Moore para disa vjetesh, per shkak te dashurise se saj per Ashton Kutcher (aktori i ri me te cilin eshte martuar) u detyrua te bente gjoksin e saj, per tu dukur me e re.

Ndersa Victoria Beckam, e adhurueshme per trupin e saj, pohon pa ndrojtje se ka qene dy here tek kirurgu.

Te njejten gje kane pranuar dhe Sharon Stone e Nicole Kidman. Cher ka folur me ne fund, pas shume vitesh, gjate te cileve ka mohuar te kete bere nderhyrje plastike. Iman, supermodele e famshme, vetem ne moshen 50 vjecare pranoi: *Po,e kam bere gjoksin operacion, por, nese do te mundja te ktheja kohen nuk do beja te njejten gje.*

Jamie Lee Curtis aktore e famshme me ne fund ra ne gracken e *po- se* , para 3 vjetesh, ajo lejoi ta fotografonin ne detaje duke thene: *Per 20 vjet kam bere gjithcka per te ndaluar kohen, por eshte e pamundur*.

Ne Itali Simona Ventura ( e kenaqur me gjendjen e saj) dhe Falchi ( e penduar). Te gjithaketo gra te famshme dhe te pushtetshme kane pasur pak a shume te njejtin motiv: ?Kisha gjoks te vogel, ndodhesha shume ne siklet*.

Silikoni i pare ne histori

Ne mars te vitit 1962 zonja Lindsey shkoi ne spitalin e Huston per te hequr dy tatuazhe mbi gjoks dhe doli nga spitali me nje gjoks me silikon, gjoksi i pare ne bote i bere me silikon nga mjeket- shpikes Thomas Cronin dhe Frank Gerow.

Gjoksi i ribere me silikon i shpeton jeten

Katie Jordan Price kohe me pare vendos te ribente gjoksin dhe fale silikonit gjoksi i saj u be i admiruar nga te gjithe. Katie Jordan eshte nje lepurushe tipike e Playboy, bionde dhe me nje trup me shume forma. Siliokni qe kirurgu i vendosi, pervec se e beri ate te dilte neper kopertinat e revistave erotike me te famshme te botes, i shpetoi dhe jeten. Pak kohe pasi vuri silikonin ajo pesoi nje aksident te rende me makine dhe fale gjoksit te saj *te bollshem*, i cili luajti funksionin e air- bagut ajo nuk pesoi asnje demtim serioz.

Adoleshentet dhe kirurgjia estetike

Nje nga argumentet qe perflitet shume ne boten mediatike eshte dhe tendenca ne rritje e adoleshenteve te cilet iu drejtohen klinikave kirurgjikale, per te permiresuar aspektin e tyre fizik. Shume mjeke tregojne se shume te rinj operacionet plastike kane filluar tashme ti kerkojne si dhurata ditelindjesh ose si *shperblime* kur marrin nota te mira ne shkolle.

Miss Brazili: "Per te 19- en here tek kirurgu estetik"

Juliana Borges, 22-vjecare, Miss Brazili me miresjellje ka rrefyer se ka shkuar tek mjeku i kirurgjise plastike per te 19 here dhe ka shpenzuar atje 7500 dollare per te bere mollezat, barkun, buzet, hunden. Ajo ka deklaruar se ndihej mire dhe se pas shpalljes te saj si mis, e cila ka pranuar se ka bere nderhyrje kirurgjikale, shume gra do te ndihen te inkurajuara dhe do te rendin tek mjeku kirurg pa pasur turp.