Trajneri Shpetim Duro ndihet ne nje pozicion te veshtire, pasi nuk ka kontigjent te mjaftueshem

Sot te kuqte do te luajne ne stadiumin "Loro Borici" dhe "demat" e dine shume mire se vendasit jane shume me te favorizuar se ata, por duke ditur se nuk kane cfare te humbasin do te mundohen te japin me te mire dhe te shpresojne te marrin dicka. Sipas trajnerit Duro, me frikeshme ka qene perballja me Lushnjen, pasi duhej fitorja me patjeter sesa takimi i sotem e Vllaznine. "Per mua, e frikshme ishte ndeshja me Lushnjen, pasi kishim perballe nje kundershtar direkt ku dhe duheshin piket e plota. Ndersa takimi me Vllaznine eshte nje perballje shume e veshtire, pasi dihet se shkodranet jane rivali kryesor per fitim e titullit kampion. Normalisht, shkodranet jane te favorizuar ne te gjitha aspektet ndaj Partizanit, si ne pozicionin e klasifikimit, si ne ambientin qe do te jete sot ne "Loro Borici". Por shpresoj qe kjo ndeshje te kete rivalitet, ashtu sic kane qene historikisht keto dy skuadra, pavaresisht nga pozicioni i klasifikimit. Sigurisht, ne nuk humbim gje ne Shkoder, por ne do te bejme detyren tone, duke dhene maksimumin per te perfituar dicka ndaj nje skuadre pretendente per titull,"- u shpreh dje per mediat trajneri i Partizanit, Shpetim Duro.

Ne dimer, jo gabimet e veres. Momentalisht te Partizani kane filluar largimet e lojtareve, ku i pari eshte deklaruar Elis Bakaj. Trajneri Duro e shikon normale levizjen e futbollisteve sipas rregullave, por kerkon qe te larguarit te zevendesohen. "Per mua si trajner nuk eshte mire kur largohet nje force reale, sic eshte Bakaj, por keto jane situatat. Kjo eshte levizja e lire e futbollisteve ne baze te kushteve kontratuale, por ne dhjetor duhet qe largimi i lojtareve te mos ndodhe ashtu sic ndodhi ne fillim te sezonit, ku iken shume lojtare dhe nuk u zevendesuan ne momentin e duhur. Pra, ne fund te dhjetorit duhet qe Bakaj, apo dikush tjeter qe mund te largohet, te zevendesohen,"- vijon trajneri Duro.

Bakaj te respektoje fanellen e kuqe. Trajnerit Duro nuk i vjen mire qe humbet sherbimet e nje lojtari si Elis Bkaj, por kerkon qe ai ta respektoje fanellen e Partizanit deri ne diten e fundit. "Besoj se per largime nuk flitet vetem te Partizani, pasi kur vjen periudha e merkatos te te gjithe ekipet ka zera per afrime dhe largime lojtaresh. Edhe Bakaj e ka pranuar vete se do te largohet ne janar nga Partizani, por dua qe deri ne fund te dhjetorit ai ta respektoje fanellen e Partizanit dhe te jape maksimumin," - u shpreh trajneri i te kuqve.

Xhani premton perforcime. Sipas trajnerit Duro, dje ai ka pasur nje bisede te gjate me presidentin Xhani, i cili i ka premtuar se do te beje maksimumin qe te ruaje grupin dhe ta perforcoje me disa elemente te nevojshem. "Per sa u perket largimeve te tjera, pervec Bakajt, nuk mund te flas me saktesi, por dua te them se sot (dje) kam pasur nje bisede te gjate me presidentin Xhani, ku pavaresisht krizes se perkohshme, ai eshte optimist dhe kerkon qe ta mbaje me insistim grupin, si dhe kerkon te perforcoje skuadren ne janar edhe me elemente te tjere. Por gjithcka do te varet se si do te ecet deri ne fund te ketij viti, pasi veshiresite me te medha jane per mua, sepse nuk kam kontigjent te mjaftueshem per te shkuar deri ne merkaton e janarit,"- perfundoi deklarimin e tij per mediat trajneri i Partizanit, Shpetim Duro.