Tirane-Me shume se pesimiste e ka cilesuar Partia Socialiste situaten ekonomike qe po kalon vendi, duke konstatuar se per fat te keq, qeveria nuk po merr asnje mase per te perballur kete frenim.

Nensekretari per programin ne PS, Ilir Beqja duke iu referuar te dhenave paraprake te 11 mujorit, ka deklaruar ne dy muajt e fundit zhvillimet e ekonomise jane pesimiste. Ai ka kujtuar sot gjate nje konference per shtyp, se numri i sipermarrjeve qe kane deklaruar ngrirjen e aktivitetit eshte rritur; Numri i sipermarrjeve qe jane ne proces likuidimi eshte rritur gjithashtu; Sektori bankar ka ngrire kreditimin prej dy muajsh, nderkohe qe remitancat e emigranteve vazhdojne te ulen ndjeshem.

*Ka dy muaj qe eksportet e mineraleve jane stopuar. Ndermarrjet qe punojne ne metalurgji kane njoftuar punetoret se do te nderpresin prodhimin*- tha Beqja, duke shtuar se sipermarresve me material porositesi, perpos ankesave per pagat referuese, u jane ulur porosite e reja nga partneret europiane.

Sipas tij, pas Fondit Monetar Nderkombetar edhe Banka Europiane per Rindertim dhe Zhvillim deklaroi qe rritja ekonomike do te frenohet ne vitin 2009, nderkohe qe e vetmja qe ben shurdhin eshte qeveria. *Per fat te keq, vendi drejtohet nga te njejtet persona te paafte qe drejtonin edhe para 12 vjetesh. Me te njejten medjelehtesi si para 12 vjetesh, qeveria e drejtuar nga kryeministri me i paafte i 17 viteve te fundit nuk parashikoi asnje mase antikrize ne buxhetin e vitit 2009, megjithe insistimin e Partise Socialiste*- tha Beqja, duke garantuar shqiptaret se situata do te ndryshoje vetem me largimin e kesaj qeverie.