Ne analizen e prefektures u theksua se nje nga shkaqet kryesore te shkarjeve te dheut ishin ndertimet pa leje

Nga ana e prefektit Deliallisi eshte paraqitur nje situate e demtimeve ne te gjithe qarkun e Elbasanit

ELBASAN - Rreshqitjet e dheut kane demtuar 80 banesa ne Elbasan, ndersa dje nje fakt i tille eshte diskutuar ne analizen e prefektures.

I pranishem ne te ka qene edhe ministri i Brendshem, Lulezim Basha. Ndertimet pa leje jane cilesuar dhe si shkaqe kryesore te rreshqitjeve te shumta qe kane perfshire qarkun, nderkohe qe prefekti i Elbasanit, Shefqet Deliallisi, ne analize u shpreh se situata ne qarkun e Elbasanit paraqitet e renduar si pasoje e reshjeve te ketyre muajve ne disa komuna.

Ai renditi zonat e prekura nga rreshqitjet, si Shushica me tre shtepi te demtuara, Labinot-Fushe dy shtepi te demtuara, Gjinar 10 shtepi, Tregan 6 shtepi, Labinot-Mal ku eshte aktivizuar rreshqitja e vjeter e Gurit te Zi, ne Peqin, me 20 shtepi te demtuara, 20 shtepi ne Gramsh, ne Librazhd 23 shtepi.

Prefekti tha se ne keto zona jane derguar specialiste te te gjitha institucioneve per te verifikuar situaten dhe se eshte kerkuar nje efektivitet me i madh i inspektorateve te ndertimit ne qark dhe njesite vendore. Deliallisi tha se ndertimet pa leje kane vazhduar edhe pas mbylljes se procesit te vetedeklarimit te legalizimit.

Nderkohe, ministri i Brendshem, Lulzim Basha, u ndal ne situaten e shkaktuar sidomos ne zonat rurale per shkak te reshjeve te vazhdueshme. Basha tha se krahas nderhyrjes se menjehershme ne ndihme te banoreve do te verifikohen shkaqet e tjera si shpyllezimi dhe ndertimet pa leje per te koordinuar punen me njesite vendore per te bere qe situata te tilla te evitohen ne te ardhmen.

"Pergezoj institucionin e prefektit per punen e bere deri tani e ne vazhdim, por pjese shume e rendesishme e punes eshte parandalimi permes kontrollit te rrepte te territorit aq sa i perket shpyllezimit dhe ndertimeve pa leje qe ne nje pjese te mire te rasteve jane shkaktare kryesore te ketyre pasojave me permasa tragjike.

Ne kete kuader kerkoj nje koordinim me te mire midis njesive vendore, institucionit te prefektit dhe qeverisjes qendrore per te shmangur keto ngjarje dhe ne nje zvogelim te pasojave", -u shpreh Basha.

Ne analize ka marre pjese edhe deputeti socialist i Elbasanit, Ilir Bejtja. Ai ka renditur disa pika te nxehta, duke kerkuar nga qeveria te kete nje fond sigurie per tu perballur me situatat emergjente qe krijohen, dhe jo te pritet ardhja e fondeve kur ndodhin fenomene te tilla. Bejtja deklaroi se problemet e medha te Elbasanit jane ndotja e mjedisit, nevoja e menjehershme per nje fushe mbeturinash.

Ai eshte ndalur edhe ne largimet politike nga puna duke theksuar se nuk po ndiqet profesionalizimi ne shume institucione, por perkatesia politike duke akuzuar, madje edhe per konkurse fiktive ku fitojne vetem demokratet.