Aktualisht ne spitalin me te madh te vendit trajtohen kater paciente te prekur nga kjo semundje
Rreziku ndaj etheve hemorragjike ka vene ne alarm edhe kryeqytetasit. Aktualisht, ne Qendren Spitalore universitare Nene Tereza ndodhen te shtruar 4 persona, te cilet ndodhen jashte rrezikut per jeten.
Mjeket keshillojne qe te behet kujdes, pasi rrezikshmeria nga kjo semundje vdekjeprurese eshte e larte, madje ajo ia kalon edhe gripit te derrit.
Aktualisht ne spitalin tone ne kemi 4 persona, te cilet jane te semure me kete patologji dhe ne kete moment jane ne gjendje te mire. Sigurisht qe rrezikshmeria eshte e madhe, per arsye se kjo paraqet nje semundshmeri dhe nje vdekshmeri te larte, - shprehet mjeku infeksionit, Genti Stromi, i cili shpjegon se masat per perballimin e kesaj semundjeje, e cila transmetohet nga kontakti me njeriun e prekur, duhet te jene te larta.
Nderkohe, Drejtori i politikave ne Ministrine e Shendetesise, Pellumb Pipero, se bashku me nje grup mjekesh eshte nisur drejt spitalit te Kukesit per te monitoruar nga afer gjendjen. Ai ka shpjeguar se rasti i paraqitur nga Hasi ka qene ne gjendje me te rende shendetesore, por, sipas te dhenave te fundit, gjendja e tij shendetesore eshte permiresuar.
Nga analizat e kryera ne laborator jane verejtur edhe raste te tjera pozitive, por, sipas specialisteve te Institutit te Shendetit Publik, ato jane asimptomatike. Ethet hemorragjike shkaktohen nga pickimi i rriqrave, insekt ky qe rritet ne veri te vendit, kryesisht ne Kukes dhe Has.
Shenjat e para te kesaj semundje jane temperatura e larte e me pas hemorragjia ne disa pjese te trupit. Apeli qe mjeku Genti Stromi ben per banoret e ketyre zonave eshte Ne radhe te pare keta persona duhet te bejne te pamunduren qe te mos pickohen nga rriqrat, por edhe nese iu ndodh te drejtohen prane mjekeve per te pare nese jane infektuar apo jo, duke iu nenshtruar analizave perkatese, - shprehet Stromi.
Gjate dy javeve te para te qershorit ka pasur 9 persona te prekur nga ethet hemorragjike, nderkohe qe nje grua nga Hasi ka humbur jeten ne spitalin e Prishtines, pasi semundja kishte avancuar se tepermi.
