Bernard Kushner, Ministri i Jashtem i Frances, e cila mban presidencen e radhes se Bashkimit Evropian, thote se Evropa po i ben presion te forte Rusise te terheqe trupat nga Gjeorgjia. Komentet e shefit te diplomacise franceze u bene ne prag te takimit te ministrave te jashtem te Natos mbi kete ceshtje:

Ne konferencen per shtyp Ministri i Jashtem francez Bernard Kushner shprehu padurim dhe nervozizem lidhur me ato qe i komentoi si ritme te ngadalta te terheqjes se trupave ruse nga Gjeorgjia, megjithe pretendimet e Moskes se do ta filloje pa vonese procesin.

Ministri i Jashtem francez u shpreh se sa here qe Parisi i telefonon Moskes, pergjigja qe merr eshte se terheqja e trupave do te filloje. Por ai tha Parisi deshiron qe kjo terheqje te filloje menjehere. Ai nenvizoi se Moska ka nenshkruar armepushim me Gjeorgjine dhe shprehu shpresen se Rusia e kupton se siglimi i kesaj marreveshjeje duhet respektuar.
Nje takim emergjent i Natos fillon te marten ne Bruksel. Ministrat e Jashtem pritet te angazhohen ne mbeshtetje te sovranitetit dhe integritetit territorial te Gjeorgjise. Ata pritet gjithashtu t'u bejne thirrje te dyja paleve te respektojne armepushimin e arritur me ndermjetesimin e Frances javen e kaluar. Por ministrat jane te percare lidhur me rrugen qe duhet ndjekur ne marredheniet me Rusine, e cila ka derguar trupa ne territorin gjeorgjian pas perleshjeve ne rajonin e Osetise Jugore ne fillim te muajit.

Presidenti rus Dimitri Medvedev tha se forcat ushtarake ruse do te fillonin terheqjen ne mes te dites se djeshme, por Gjeorgjia ka njoftuar se nuk eshte pare ndonje levizje trupash.

Presidenti francez Nikolas Sarkozi tha te dielen ne nje bisede telefonike me homologun rus se e kishte paralajmeruar Mosken per "pasoja serioze," nese nuk permbush marreveshjen e armepushimit. Nuk eshte e qarte se per cfare pasojash konkrete behet fjale. Zoti Kushner tha se Presidenti francez mund te kerkoje nje mbledhje emergjente te Bashkimit Evropian ne lidhje me krizen ne Gjeorgji brenda pak ditesh.