Italiani Fabio Kapelo, ish-trajner i Realit te Madridit, ka deklaruar per te perditshmen spanjolle, "Marca", se Lionel Mesi do te jete pasardhesi i denje i Diego Armando Maradones. "Ai ben gjera te pabesueshme. Ështe nje talent i futbollit boteror", pohoi drejtuesi i perfaqesueses angleze. Per me teper, nese e krahason me holandezin Arjen Roben, apo portugezin Kristiano Ronaldo, Kapelo eshte i bindur se keta dy lojtare "jane te nje niveli te larte", por "Mesi eshte gjenial". Nje tjeter lojtar i madh, sipas teknikut 62-vjeçar, eshte edhe sulmuesi i Valencias, David Vija. "Ështe nje futbollist shume interesant, ka teknike, realizon gola dhe leviz mjaft mire edhe kur nuk e ka topin. I jashtezakonshem, nje prej lojtareve me te mire ne qarkullim. Per mendimin tim ka gjithçka qe i nevojitet nje sulmuesi". Kapelo nuk deshiron ta komentoje kerkesen qe i ka bere Baldinit (drejtorit teknik te Realit te Madridit), gjate mandatit te tij te dyte si trajner i "merengues" per te afruar Vijen ne "Santiago Bernabeu". Ai nuk i pergjigjet as pyetjes nese madrilenet gabuan qe nuk e afruan lojtarin e perfaqesueses spanjolle.

Per sa i takon sezonit ne La Liga, italiani shprehet i mahnitur me paraqitjet e Barcelones se drejtuar nga Pep Guardiola. "Po luajne shume mire, si gjithmone me nje stil loje qe te terheq. Futbolli i tyre bazohet ne qarkullimin e topit, pasi kane lojtare kualitative, te cilet mund te lidhin shume pasime", shtoi Kapelo, duke mohuar spekulimet se presidenti Johan Laporta ka ndjekur keshillat e tij per te ndertuar nje skuader te ketij niveli. Kur pyetet nese "blaugranat" jane skuadra me e mire ne Evrope, drejtuesi i stolit te "Tre luaneve" preferon te mos pergjigjet ne menyre direkte. "Nuk ka asnje dyshim qe jane nje skuader shume e mire. Gjithsesi, fakti nese jane me te miret ne kontinent, apo jo, varet nga momenti qe kalon ekipi" dhe siguron se Barcelona "eshte e favorizuar per te kaluar ne turin e ardhshem te Liges se Kampioneve, por ndeshjet e kesaj faze jane mjaft te veshtira".

Trajneri eshte i perqendruar ne miqesoren ku Anglia do te luaje kunder Spanjes, ne stadiumin e Seviljas, "Sançez Pizjuan". "Jemi shume te lumtur qe do te kemi mundesine te perballemi me kampionet e Evropes ne fuqi. Ky takim do te na sherbeje qe te shohim se ne çfare niveli jemi", saktesoi Kapelo. Duke folur per teknikun e iberikeve, Visente del Boske, ai tha: "Ështe nje trajner i madh dhe nje mik mjaft i mire. Besoj se do te punoje shume mire ne krye te Spanjes". "Don Fabio" foli edhe rreth Premiershipit, edhe sepse punon ne Angli prej dy vjetesh dhe e ka vleresuar ate si "aktivitetin me serioz, me lojtare te nivelit te larte e shume te organizuar". Per Boterorin 2010 ne Afriken e Jugut, ai nuk preferon te flase rreth shanseve qe ka Anglia per te triumfuar. "Me pare duhet te kualifikohemi", perfundoi Kapelo. "Mendoj se Spanja do te jete nje prej pretendenteve me te forta, por nuk duhet te harrojme as Argjentinen, Brazilin apo Italine".