KORÇE/ Dy korcare dhe nje kosovar jane ndaluar nga policia gjate operacionit Viza e fundit

KORÇE- Policia e Korces ka arrestuar gjate oreve te mbremjes te se martes tre shtetas shqiptare mes te cileve dhe nje kosovar, te cilet kishin krijuar nje rrjet falsifikimesh te dokumenteve zyrtare te shtetit grek.

Viza greke, dokumente te ndryshme te ketij shteti, leje qendrimi, por deri dhe prodhimi fals i patentave dhe kartave te identitetit ishte aktiviteti i ketij grupi kriminal te goditur nga blute. Burimet zyrtare te policise se Korces u shprehen se gjate mbremjes se te martes ka perfunduar me sukses operacioni i koduar Viza e fundit.

Ne kete operacion u arrestuan ne kushtet e flagrances shtetasit Kostaq Gjoka, 43 vjec, banor i lagjes 13 ne Korce, Arben Gusho, 48 vjec, po nga Korca, si dhe shtetasi kosovar Bujar Kuci, 51 vjec, nga Prizreni, i cili prej disa kohesh jetonte ne qytetin juglindor.

Te tre keta persona ne bashkepunim me njeri-tjetrin kryenin aktivitetin kriminal te falsifikimit te dokumenteve zyrtare greke dhe shqiptare, si dhe vulave te pikave te kalimit kufitar Kapshtice, Kakavije dhe Tre Urat. Ata ishin vene ne vezhgimin e policise lokale prej disa javesh.

Te tre te arrestuarit akuzohen per vepren penale falsifikim i dokumenteve, si dhe falsifikimi i vulave, stampave dhe formulareve. Ne momentin e prangosjes te ndaluarve u jane kapur dhe me pas sekuestruar ne cilesine e proves materiale 3 pasaporta biometrike me viza greke te falsifikuara, disa dokumente greke, nje dokument identifikimi ne gjuhen greke, njesi qendrore kompjuteri, 4 aparate celulari, kamera dixhitale, sasi te konsiderueshme lekesh, euro dhe dollare, nje sasi e konsiderueshme kartash plastike ne formatin e kartave te identitetit etj.

Policia ben te ditur gjithashtu se veprimtaria e ketij grupi mund te jete dhe me e gjere, ndersa ka nisur hetimi i posacem i akitivitetit te tij.