Ndihmes-sekretari amerikan i Shtetit, Daniel Fried ka deklaruar se vendosja e EULEX-it ne Kosove i sherben forcimit te pavaresise, sovranitetit dhe sigurise ne vend. *Misioni EULEX do ta forcoje pavaresine e Kosoves dhe sovranitetin e saj, sepse EULEX-i do te dislokohet ne te gjithe vendin, ne nje vend te pandare*, ka thene Fried ne nje interviste per *Zerin e Amerikes*.

Pa pranine e EULEX-it, sipas Friedit, Kosova do te kishte probleme, prandaj – tha ai – *dhe ne po vendosim nje mision te tille ne vend per te forcuar pavaresine e sovranitetin e ketij shteti te ri*.

Kosova, sipas tij, shenoi nje fitore te madhe, duke kundershtuar planin 6 pikesh te sekretarit te pergjithshem te OKB-se, dhe Kombet e Bashkuara, Evropa, dhe Shtetet e Bashkuara e pranuan dhe e respektuan kete qendrim te saj. Ne fakt, ka shtuar Fried - *asgje nuk do ti detyrohet Kosoves, as plani gjashte pikesh dhe as ndonje gje tjeter*.

Per sa i perket veriut te Kosoves, pjeses veriore te Mitrovices, Fried ka thene se EULEX-i do te vendoset ne te gjithe vendin, ne veri te Mitrovices gjithashtu, ne te gjithe zonen ne veri te Lumit Iber.

*Ky eshte nje vend i pandare, nuk kemi te bejme me asnje lloj ndarjeje, as ‘te forte dhe as ‘te bute, dhe me as ndonje lloj tjeter ndarjeje. Ne qofte se ne do te kishim pranuar shkeputjen e veriut, do ta kishim bere kete pa kaluar ne gjithe keto negociata*, eshte shprehur Fried.

*Ne kemi negociuar dhe vazhdojme te negociojme sepse EULEX-i duhet te dislokohet dhe do te dislokohet ne te gjithe vendin*, ka thene Fried, duke shtuar se Kosova nuk ka arsye te trembet sa i perket ceshtjes nese administrata e re amerikane do ti permbahet te njejtit kurs politik ndaj saj. /Telegrafi/