Mbreme u cel ne Arsenale te Venecias ekspozita nderkombetare e cila u kushtohet 195 finalisteve te edicionit te katert te cmimit "Internazionale Arte Laguna", qe kete vit u konfirmua si nje pike referimi per artin bashkekohor ne te gjithe boten.

Fituesit e ketij konkursi u shpallen ne daten 6 mars, ku edhe u zhvillua mbremja gala per hapjen e konkursit.

Çmimet u dhane ne seksionet pikture, skulpture e fotografi. Nderkaq, u zyrtarizuan edhe fituesit e cmimeve speciale, te cilat jane te lidhur me 21 hapesira ekspozuese nderkombetare, bashkepunetore te konkursit.

Ne kete kuader, nje prej 21 qendrave ekspozuese te ketij konkursi nderkombetar eshte shpallur pikerisht Galeria Promenade e qytetit te Vlores e cila drejtohet nga piktori Artan Shabani.

Kjo galeri me 2 vjet histori, i bashkohet tashme qendra ekspozuese te Londres, Milanos, Vjenes, Budapestit, Romes etj.

Ne galerine "Promenade" pritet te ekspozoje artisti danez qe jeton dhe studion ne Amsterdam, Andreas Albrectsen. Ai u zgjodh nga Artan Shabani per punen e tij te titulluar "Head Mistress" e vitit 2009. Ky artist ka ekspozuar edhe ne institutin francez "Maison Descartes", ne Tolstraat te Amsterdamit, ne qendren "Odense te design" ne Danimark dhe se fundmi do jete edhe ne Vlore me nje ekspozite vetjake.

Ne historine e ketij cmimi ishte hera e pare qe Shqiperia prezantohej me Promenade Gallery. Ne bashkepunim me kuratore te muzeumeve ne Venecia dhe kuratore te ketij cmimi, galeria po perpiqet te pergatise ne nje nder muzete e qytetit nje ekspozite per artistet e rinj shqiptare, emrat e te cileve eshte heret qe te behen te ditur.
Argumentet dhe stilet qe ofrohen ne kete ekspozite mes tendencave dhe aktualitetit global jane te ndryshme dhe te shumellojshme.

Ato ofrojne nje panorame unike qe vjen prej 90 vendeve ne konkurrim, mes te cilave edhe vende tej rrethit tradicional artistik si: Bregu i Fildishte, Kazakistani, Gana, Katari, Siria, Nepal, etj.