Ministri i Jashtem i Bashkimit Evropian, Havier Solana, i pershkroi negociatat pergjithesisht konstruktive. Por ai pranoi se Irani nuk dha ndonje pergjigje te qarte ndaj propozimit te Perendimit per te pezulluar aktivitetin e tij berthamor ne shkembim te stimujve ekonomike dhe diplomatike.

"Tani shpresoj shume qe pas zhvillimit te ketij debati dhe shkembimit te pikpamjeve, Dr. Xhelili do te shkoje ne Teheran dhe do te informoje autoritetet dhe do te presim nese do te marrim ndonje pergjigje pozitive prej andej. Do te ishte me shume rendesi qe kjo pergjegje te jepej, per shembull, brenda dy javeve. Mbetem ne pritje te kesaj pergjegjeje dhe shpresoj shume se keshtu do te ndodhe"- tha ai.

Shume parashikime pozitive dhe shpresa i paraprine raundit te tanishem te bisedimeve dhe per here te pare nje zyrtar i larte amerikan ishte i pranishem ne tryezen e bisedimeve. Analistet e vleresuan pjesemarrjen e zyrtarit amerikan ne bisedime si nje ndryshim te politikes se Administrates se Presidentit Bush ndaj Iranit.

Me pare, Uashingtoni kishte kembengulur se nuk do te zhvillonte bisedimeve te drejt per drejt ame Iranin, para se ky vend te nderpriste aktivitetin e pasurimit te uraniumit, si parakusht per mbajtjen e bisedimeve te tilla. Por, ndryshe nga sa ishte deklaruar me pare, nenseretari i Shtetit, Uilliam Bern u dergua per te marre pjese ne takimin e djeshem.

Megjithese asgje konkrete nuk doli nga bisedimet, zoti Solana tha se prania e nensekretarit Berns ne vetvete ishte nje kontribut i rendesishem ne negociata.

"Ishte shume e rendesishme qe gjithsekush ne Iran te vleresoje rendesine e ketij takimi nga pikpamja e pjesemarresve ne tryezen e bisedimeve. Sic e dini, ne i kemi paraqitur Teheranit tri dokumente, nje leter, nje pakete stimujsh dhe nje perspektive te qarte, te nenshkruara nga udheheqesit e vendeve te perfaqesuar ne bisedime. Sot, ne tryezen e bisedimeve ishin perfaqesuesit e te gjitha vendeve. Prandaj takimi ishte me rendesi teper te madhe dhe gjithsekush duhet ta kete te qarte kete".

Perfaqesuesit nga Britania e Madhe, Kina, Franca, Gjermania dhe Rusia moren pjese ne bisedimeve krahas te derguarve te Bashkimit Evropian, Iranit dhe Shteteve te Bashkuara.

Ne takim, Irani paraqiti nje leter te gjate, te cilen zoti Solana e karakterizoi si te mbushur me detaje. Ai tha se ajo nuk perbente ndonje pergjigje ndaj propozimit te Perendimit. Por kryenegociatori iranian tha se paketa e stimujve permbante shume ide pozitive.

Ai tha se brenda dy javesh do t'i jape Havier Solanes pergjigje, me telefon ose duke u paraqitur personalisht, per gatishmerine e Teheranit per te pranuar propozimet e Perendimit. (VOA)